Cəmil Həsənli insanların özünü yandırmasına görə məsuliyyəti ölkə hakimiyyətinin üzərinə qoyub
Demokratik Qüvvələrin Milli Şurasının (DQMŞ) sədri Cəmil Həsənli Azərbaycan vətəndaşlarının özlərini yandırmasına görə məsuliyyəti ölkə hakimiyyətinin üzərinə qoyub.
“Bu gün Məleykə Bayramlı adında daha bir Azərbaycan vətəndaşı şəhərin mərkəzində od vurub özünü yandırdı. Artıq biz hər gün insanların özünü yandırması haqqında məlumatlar alırıq. Qarabağ qazilərinin alov bürümüş bədənlərinin saçdığı atəş az qala ekranları da yandırsın”, deyə Həsənli öz Facebook səhifəsində yazıb.
Onun fikrincə, “ölkənin dövlət idarəsində, məhkəməsində, polisində prokurorluğunda qanun görməyən, ədalət tapmayan insanlar çıxış yolunu oda tapınmaqda görürlər”.
“Bu, dəhşətli faciədir. Belə getsə ölkəmizi alov bürüyəcək. Heç kəs özünü bu yanğın dalğasından uzaq hesab etməsin. Korrupsioner, kriminal idarəçiliyin yeritdiyi siyasətin tüstüsü bütün ölkəni bürüyür, alovu ərşü-əlayə qalxır. Yanan insanlardır. Görünür, bu yanğın dalğası prezident aparatına çatana qədər İlham Əliyev dözümlülük göstərəcək, analoqsuz inkişaf haqqında nağılları təkrarlayacaq. Xalqdan səlahiyyət almayan, hakimiyyəti mənimsəyən, xalq qarşısında məsuliyyəti olmayan bir iqtidarın siyasətidir yanan, indi insan qoxulu tüstüsü hər tərəfi bürüməkdədir. Azərbaycan vətəndaşının Azərbaycan neftindən nəsibi özünü alova bürüyəcək bir butulka benzin qədərdir”, deyə Həsənli qeyd edir.
Xatırladaq ki, dekabrın 25-dən etibarən Azərbaycanda 5 nəfər özünü yandırıb. -06D-
-
- Cəmiyyət
- 30 Yanvar 2014 16:02
-
- İqtisadiyyat
- 30 Yanvar 2014 16:31
Siyasət
-
Bayden administrasiyasının aparıcı üzvləri gələn həftə Konqresin Xarici İşlər Komitəsi qarşısında oktyabrda keçiriləcək seçkilər ərəfəsində hər iki ölkədə ABŞ-ın siyasəti barədə ifadə verəcəklər, Turan-ın Vaşinqtondakı müxbiri bildirib.
-
Birləşmiş Ştatlar Azərbaycanda investisiya mühiti haqqında hesabat hazırlayır. Biznes mühiti haqqında əsaslı qərarlar qəbul etmək üçün bu hesabat həm ABŞ-ın vəzifəli şəxsləri, həm də investorlar tərəfindən geniş istifadə olunur, Turan-ın Vaşinqtondakı müxbiri bildirib.
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
Rəy yaz