Cəmil Həsənli Milli Şuranın ehtiyat vahid namizəd ola bilər
Milli Şuranın prezidentliyə ehtiyat vahid namizədi Cəmil Həsənli olacaq. Bu barədə Turan-a Milli Şuradakı mənbələrdən bəlli olub.
Mənbənin dediyinə görə, Həsənlinin ehtiyat vahid namizəd olması barədə Milli Şurada təmsil olunan siyasi partiyalar razılığa gəlib və Cəmil Həsənli namizəd olmasına razılıq verib.
Cəmi Həsənli Turan-a məlumatı təkzib və ya təsdiq etməyib. O, “saat 16-da keçiriləcək Milli Şuranın sessiyasını gözləyək”, deməklə kifayətlənib.
Bununla yanaşı, Milli Şuradakı digər mənbə prezidentliyə ehtiyat vahid namizəd kimi başqa şəxslərin də namizədliyinin irəli sürüləcəyini deyib.
Öz növbəsində, Açıq Cəmiyyət Partiyasının sədri Sülhəddin Əkbər Turan-a bildirib ki, ACP ehtiyat vahid namizəd müzakirəsində iştirak etməyib və etmək niyyətində də deyil. “Çünki MŞ-nin vahid namizədi var və ehtiyat namizədin irəli sürülməsi Rüstəm İbrahimbəyovun seçkidə iştirakına kölgə salır. Bu hakimiyyətə imkan verir ki, ehtiyat namizədi qeydə alsın. Ehtiyat namizədin qeydə alınması isə seçkiyə demokratik don geyindirilməsidir”, deyə o qeyd edib.
Klassik Xalq Cəbhəsi Partiyasının sədri Mirmahmud Mirəlioğlu da Cəmil Həsənlinin ehtiyat vahid namizəd kimi irəli sürülməsinin siyasi partiyalarla razılaşdırılmadığını bildirib.
Milli Şuranın İcra Aparatının rəhbəri Eldar Namzov Turan-a deyib ki, bu gün Milli Şuranın sessiyasında ehtiyat vahid namizəd məsələsi müzakirə ediləcək. “Ehtiyat vahid namizəd barədə isə yalnız sessiya qərar qəbul edə bilər. Ümid edirəm ki, nəticələr müsbət olacaq”, deyə o qeyd edib. -03B-
Siyasət
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
-
1 saylı Bakı İstintaq Təcridxanasının sanitariya hissəsində saxlanılan iflic, birinci qrup əlil olan fəal Famil Xəlilov oktyabrın 2-dən etibarən quru aclığa keçib.
-
"Abzas Media" onlayn nəşrinin direktoru Ülvi Həsənlinin saxlanıldığı 1 saylı Bakı İstintaq Təcridxanasındakı işgəncə faktları barədə yazandan sonra özü qeyri-insani rəftara məruz qalır. Bu barədə jurnalistin həyat yoldaşı Rübabə Quliyeva bildirib.
Rəy yaz