Cəmil Həsənli mitinqə icazə verilməsə xalqı Fəvvarələr meydanına səsləyəcəyini bəyan edib
Milli Şuranın prezidentliyə namizədi Cəmil Həsənli etirazçı insanları ana müxalifətin 20 oktyabr tarixində keçirəcəyi mitinqə çağırıb. “Məhsul” stadionunda mitinqə icazə verilməsə, xalqı şəhərin mərkəzindəki “Fəvvarələr” Meydanına səsləyəcəyini bildirib. Bu barədə Avropada səfərdə olan Cəmil Həsənli “Meydan” televiziyasına müsahibəsində bildirib.
Həsənli müsahibədə müxalifətin seçkilərdən sonra Avropada keçirdiyi görüşlər barədə danışıb. O seçkilərin saxtalaşdırıldığını deyib, beynəlxalq müşahidəçilərin məruzələrinə münasibət bildirib.
Xatırladaq ki, oktyabrın 17-də Bakı şəhər İcra Hakimiyyəti Milli Şuranın mitinqlə bağlı müraciətinin onlara çatmadığını bildirib. Milli Şuranın mətbuat xidməti isə müraciətin mətnini və meriyaya göndərilən müraciətin poçt qəbzini yayıb. Qəbzdə meriyaya oktyabrın 14-də müraciət göndərildiyi qeyd edilib.
Cəmil Həsənlinin səlahiyyətli nümayəndəsi Gülağa Aslanlı Turrana bildirib ki, indiki anadək Bakı meriyası Milli Şuranın məktubuna cavab verməyib.-03B-
Siyasət
-
Rusiya və Azərbaycan istənilən məsələni, o cümlədən Qazaxıstanın Aktau şəhəri yaxınlığında Azerbaijan Airlines (AZAL) şirkətinin təyyarəsilə baş vermiş qəza kontekstində məsələni həll edə bilər, Moskva Rusiyanın istintaqda iştirakına Bakının dəstəyini yüksək qiymətləndirir. Bu barədə çərşənbə axşamı Rusiyanın xarici işlər naziri Sergey Lavrov 2024-cü ildə Xarici İşlər Nazirliyinin fəaliyyətinin yekunlarına dair mətbuat konfransında bildirib.
-
Jurnalistikada Qadınlar üçün Koalisiya jurnalist Xanım Mustafayevanın ölkədən çıxışına qadağa qoyulmasını pisləyib.
-
Yanvarın 14-də Avropa İnsan Hüquqları Məhkəməsi Azərbaycanla bağlı yeni qərarını elan edib. Qərar əsasən vətəndaşların mülkiyyət hüququnun pozulmasına aid olub.
-
Bazar ertəsi ABŞ prezidenti Co Bayden Dövlət Departamentində vida müraciətində Vladimir Putini Ukraynaya təcavüz etdiyinə görə lağa qoyub. "Putin işğal edəndə Kiyevi bir neçə gün ərzində fəth edəcəyini düşünürdü. Həqiqət budur ki, müharibə başlayandan Kiyevin mərkəzində dayanan tək adam mənəm, o deyil", - Bayden deyib, Turan-ın Vaşinqton müxbiri bildirib.
Rəy yaz