Rəsmi və iqtdaryönlü qəzetlər dövlət başçısı İlham Əliyevin yenidən öz postunda qalması ilə bağlı xarici dövlətlərdən gələn təbriklərin mətnlərini ilk səhifədə yerləşdiriblər.
Bundan əlavə bu qəzetlərdə PA-nın rəhbəri Ramiz Mehdiyevin hökumətyönlü KİV-lərə müsahibəsi dərc edilib.
“Azadlıq” qəzeti Azərbaycanda prezident seçkilərinə mənfi rəyinə görə ABŞ-la rəsmi Bakı arasında qarşıdurmanın dərinləşdiyini, PA-sı rəsmilərinin ABŞ-ın Azərbaycan səfirini diplomatik etiketləri pozamqda ittiham etdiyini yazır. Milli Şuranın prezidentliyə namizədi Cəmil Həsənli prezident seçkilərinin dünyadakı rezonansına “ rəsmi Bakı Azərbaycanı dünyada rüsvayçılıq simvoluna çevirdi” rəyi verib. Milli Şuranın 20 oktyabr mitinqinə iqtidarın icazə vermək istəməməsini qurum təmsilçiləri “mitinqlərin artan xətlə inkişaf etməsinə iqtidarın təxribatçı addımı” kimi dəyərləndiriblər.
Türkiyənin “Hürriyyət” qəzeti Ankarada Heydər Əliyevin adına salınan parkın rəsmi qeydə alınmadığını, buna görə parkın artıq zibilliyə döndüyünü yazır.
Almaniyanın “Vice” jurnalı Azərbaycandakı prezident seçkilərini “diktatorluqda yaşanan daha bir gün...” kimi dəyərləndirir.
“Zerkalo” qəzeti Azərbaycan vətəndaşı Orxan Zeynalovun Moskvada bir rusu qətlə yetirməsi ətrafında Rusiyada ajiotaj yaradılmasını “Rusiyada antiAzərbaycan isterikası” adlandırır.
Türkiyə ilə Ermənistan arasında münasibətlərin normallaşdırılmasını nəzərdə tutan “Sürix protokolları”nın yenidən gündəmə gəlməsilə bağlı PA-nın rəhbəri Ramiz Mehdiyev rəsmi Ankaraya “Azərbaycanın reaksiyasıl mənfi olacaq” xəbərdarlığı edib. Azərbaycan neft hasilatının azalmasının qarşısını ala bilmədiyini yazan qəzet ekspertlərə isnadən hələlik neftin baha qiymətə satılmasının vəziyyətdən çıxmağa imkan verdiyini nəzərə çatdırırlar.
“Ekspress” qəzeti Moskvada azərbaycanlı Orxan Zeynalovun Yeqor Şebakovu qətlə yetriməsi ətrafında icimai-siyasi ajiotaj yaradılmasını “Rusiyada anti-Azərbaycan isterikası” kimi şərh edir. Politoloq Vəfa Quluzadə Rusianın O.Zeynalov ətrafında hay-küyünü hədə adlandıraraq dözümlü yanaşmaq tövsiyyəsi verib. Milli Məclisin komitə sədri Əli Hüseynov Venesiya Komissiyasının mənfi rəyinin diffamasiya qanunu qəbul etməyi yubatdığını bildirib və komissiya rəsmi Bakının layihəsini yararsız hesab edib.
“Novoe Vremya” qəzeti rəsmi Bakının ABŞ-ın Azərbaycan səfirini və Dövlət Departamentini diplomatik qaydaları poazmaqda ittiham etməsinə, ABŞ tərəfin ittihamları təkzib etməsinə “Təkziblər dueli: ABŞ Dövlət Departamenti Azərbaycan PA-na qarşı” şərhi verir və “səfir Morninqstarı qürub gözləmirmi?” sualını gündəmə gətririr.
“Bizim yol” qəzeti müdafiə naziri Səfər Əbiyevin ABŞ-ın Azərbaycan səfirilə özəl görüşün təfərrüatını açmasına cavab olaraq Qərb ölkələri diplomatları onunla görüşləri ləğv etməyə hazırlaşdığını yazaraq buna ironiya ilə “ABŞ səfirilə qalmaqal “nəticə”sini verdi” mövqeyi ifadə edir.
“Yeni Müsavat” qəzeti prezident seçkilərinin nəticələrinə mənfi rəyinə görə ABŞ-ı tənqid etməsini “Rəsmi Bakının “ikinci cəbhə”ni açması” adlandırır.
Mitinq keçirilməsi haqda Milli Şuradan müraciət daxil olmaması haqda Bakı meriyasının iddiasına cavab olaraq Milli Şura meriyaya müraciətin mətnini yayıb və meriyanın bu addımını “iqtidarın mitinqə icazə vermək istəməməsi” hesab edib.
Moskvada bir rusu öldürdüyü ittihamı ilə həbsə alınan Orxan Zeynalov məhkəmədə “mən öldürməmişəm” ifadəsi verib. Polis əməkdaşları “Yeni Müsavat”, “Azadlıq” qəzetlərinin metro stansiyalarında satışını qadağan etsə də DİN redaksiyalara bu iddianın yalan olduğu açıqlaması verir.
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz