ABŞ Bakını deyişməyə son qoymağa və öhdəliklərini yerinə yetirməyə çağırıb

Azərbaycanda prezident seçkilərinə münasibət ifadə edən bəyanatını cümə axşamı yenidən təkrar edən ABŞ hökuməti rəsmi Bakıya seçkilə bağlı bütün 

məlumat və pozuntuların şəffaf və etimad ediləcək şəkildə təhqiqatını aparmağa  və ATƏT/DTİHB-nin yekun hesabatında əksini tapan tövsiyyələri yerinə yetirməyə çağırıb.

Turanın müxbiri bildirir ki, bu dəfə rəsmi Vşainqtonun mövqeyini ABŞ-ın ATƏT-də nümayəndəsi Daniel Baer çatdırıb.

ATƏT-in Venadakı Daimi Şurasına göndərilən bəyantda deyilir:

“Biz Azərbaycan hökumətini sərbəst toplaşmaq, ifadə azadlığı barədə ATƏT qarşısında götürdüyü öhdəliklərinə hörmət etməyə çağırırıq. Biz rəsmi Bakını seçkilərdən sonra zorakılıqdan çəkinməyə çağırırıq”- bəyanatda deyilir

“Biz Azərbaycanı sabit, çiçəklənən və beynəlxalq birliyin demokratikləşən üzvünə döndərə bilmək üçün Azərbaycan xalqını dəstəkləməyə və hökumətlə çalışmağa hazırıq”deyə sənəddə qeyd olunur..

Bəyanatda deyilir ki, ABŞ ATƏT/DTİHB-nın missiyası tərkibinə iki üzüunmüddətli və 25 qısa müddətli  müşahidəçilər göndərib və seçkinin nəticələrinə dair missiyanın 10 oktyabrda verdiyi bəyanatı qəti şəkilkdə dəstəkləyir.

ATƏT/DTİHB-nin ilkin rəyinə görə seçkilər ifadə, sərbəst toplaşmaq azadlıqlarının məhdudlaşdırılması ovqatında keçirilib. Seçki kampaniyası namizədlərə təzyiq, seçicilərin qorxudulması, KİV-lər üçün məhdudiyyət kimi “qanqaraçılığa” bulaşıb.Kampaniyanın bütün mərhələlərində və səsvermə günü ciddi problemlər yaşandığı yada salınır. 

“ABŞ təəssüf edir ki, bu seçkilər beynəlxalq standartlardan və Azərbaycanı ATƏT qarşısındakı öhdəliklərindən çox uzaq olub” Baerin bəyaantında deyilir.

ABŞ missiyası ATƏT üzvü olan bəzi dövlətlərin seçkilərdə ATƏT-in rolunu şübhə altına qoymasından dərin narahatlıq keçirdiyini nəzərə çatdırır. ATƏT üzvü olan dövlətlərin seçkilərdə ATƏT/DTİHB-nin tövsiyyələrini dəstəkləyəcəkləri barədə 1999-cu il İstambul sammitində dəqiq öhdəliklər götürmələri qeyd olunur.

 İştirakçı dövlətlər ATƏT önündəki öhdəliklərinə uyğun azad və ədalətli seçkilər keçirmək öhdəliyi götürürlər.     

Bu məsələ ilə bağlı 1990-cı ildə qəbil edilən Kopenhagen sənədində deyilir: 

“Biz qəbul edirik ki, DTİHB iştirakçı-dövlətlərə seçki qanunvericiliyinin işlənməsi və icrası ilə bağlı iştirakçı-dövlətlərə yardım edə bilər.

Bu öhdəliklərə uyğun olaraq seçkilər zamanı DTİHB, ATƏT Parlament Assambleyası və seçkiləri müşahidə etmək üçün dəvət olunurlar.

Biz DTİHB-nin seçkilərin kçeirilməsinə dair rəy və tövsiyyələrinə gecikmədən reaksiya verməklə də razılaşırıq”deyə sənəddə qeyd edilir.   

“Narahatlıq doğuran budur ki, Azərbaycanın ATƏT qarşısında öz öhdəliklərə və demokratik stnadartlara cavab verə bilməsi üçün üzə çıxan problemləri həll etmək əvəzinə DTİHB-nin seçkilərlə bağlı rəyini rədd edirlər”deyə sonda qeyd olunur”-25D-