Cəmil Həsənlinin qızının şikayəti üzrə apellyasiya baxışı təyin edilib

Bakı Apellyasiya Məhkəməsində hakim Əflatun Qasımovun sədrliyi ilə Milli Şuranın sədri Cəmil Həsənlinin qızı Günel Həsənlinin və məhkəmənin zərərçəkən kimi tanıdığı Ədilə Səlimovanın şikayəti üzrə ilkin baxış iclası olub.

Fevralın 22-də Yasamal Rayon Məhkəməsi 2014-cü il sentyabrın 19-da baş vermiş avtomobil qəzası ittihamı ilə G. Həsənlini 1 il 6 ay müddətinə məntəqə tipli cəzaçəkmə müəssisəsində cəza çəkməyə məhkum edib.  

Vəkil Adil İsmayılov bildirib ki, ibtidai istintaq ədalətsiz və qərəzli olub. Birinci instansiya məhkəməsi də qanunların pozulmaslı ilə aparılıb. “Tibbi eksperizalar aparılarkəın qanunvericilik ciddi pozulub. Eyni şəxs iki dəfə tibbi ekspertiza təyin edib. Ekspertizanin məcburu və ya könüllü keçirilməsi ilə bağlı iş materiallarında sənəd yoxdur. Ekspert rəyini təsdiq edən tibbi sənədlər rəyə əlavə edilməyib. Ekspert rəyi reallığı əks etdirmir, sənədlərə söykənmir və qərəzlildir”, - o qeyd edib.

Vəkil günahkar hesab edilən tərəfin həkiminin iştirakı ilə təkrar ekspertizanın təyin edilməsi barədə vəsatət qaldırıb.

Vəki  Fəxrəddin Mehdiyev də həm tibbi, həm də texniki ekspertizanın qərəzli, ədalətsiz və şəxsi mülahizələrə əsaslandığını deyib.

“İstintaqın yalnız bir versiyası olub: Günel Həsənliyə qarşı Cinayət Məcəlləsinin 263.1 maddəsi (yol hərəkəti və nəqliyyat vasitələrinin istismarı qaydalarının pozulması) ilə cinayət işi qaldırsın. Yol hərəkəti  qaydalarının pozulması ilə bağlı aparılan ekspertizada sürücünün, piyadanın davranışı, yolun texniki parametrləri, avtomobilin texniki vəziyyəti nəzərə alınmayıb”, - o bildirib.

Vəkil texniki və tibbi ekspertizanın əsassız olduğunu və birinci instansiya məhkəməsinin bununla bağlı verilən vəsatətləri təmin etmədiyini məhkəmə kollegiyasının diqqətinə çatdırıb.

O, zərərçəkmişin özünün şikayətçi olmadığını, zərər çəkmədiyini bildirdiyini, işə xitam verilməsi ilə bağlı məhkəməyə müraciət etdiyini deyib.

Vəkillər əlavə  ekspertizaların təyin edilməsinin, apellyasiya baxışının məhkəmə istintaqının aparılması barədə vəsatət qaldırıb.

“Birinci  instansiya məhkəmənin hökmü ədalət məhkməsi üçün qara ləkədir. Ümid edirəm ki, Apellyasiya Məhkəməsi ədaləti bərpa edəcək, zərərçəkmişin və Günel Həsənlinin şikayətini nəzərə alaraq cinayət işinə xitam verəcək”,  - F.Mehdiyev qeyd edib.

Dövlət ittihamçısı vəsatətlərin əleyhinə çıxış edib. “İstintaq və birinci instansiya məhkəməsi  zamanı qanun pzozuntusuna yol verilməyib”, - prokuror Ceyhiun Budaqov bildirib.

Sədrlik edən hakim Əflatun Qasımov da birinci instansiya məhkəmə zamanı qanun pozuntusuna yol verilmədiyini bildirib və işin apellyasiya baxışını məhkəmə istintaqı aparmadan, əlavə sübutlar tələb edilmədən aprelin 24-də saat 15.00-ə təyin edib.

Vəkillər ilkin baxış qərarından Ali Məhkəməyə kassasiya şikayəti verəcəklərini bildiriblər.

Cəmil Həsənli məhkəmə qərarını ədalətsiz hesab edir və onun siyasi fəaliyyəti ilə bağlı siyasi sifarişin  yerinə yetirildiyini bildirib.

Zərəçəkən kimi tanınan 87 yaşlı Ədilə Səlimova da jurnalıistlərə zərər çəkmədiyini, şikayətçi olmadığını, işə xitam verilməsini istədiyini bildirib.-03C-