Cəmil Həsənlinin Sumqayıt seçiciləri ilə görüşü
Milli Şuradan prezidentliyə namizəd Cəmil Həsənli bazar günü Sumqayıt seçiciləri ilə görüşüb
Görüşün keçirildiyi Nizami adına mədəniyyət evinin ətrafında polis qüvvələri toplaşıb.
Həsənli Sumqayıta Müsavat başqanı İsa Qəmbər və AXCP sədri Əli Kərimli ilə gəlib.
Əli Kərimli çıxışında bildirib ki, Əliyevlərin hakimiyyəti dövründə Sumqayıt işsizlər şəhərinə çevrilib.
«Kampaniyanın gedişində Cəmil Həsənli sübut etdi ki, İlham Əliyev hakimiyyəti dövründə Azərbaycana özəl obyekti kimi baxır. Məhz buna görə o indi təkcə Azərbaycanın yox, dünyanın ən varlı adamlarındandır», - deyə Kərimli bildirib.
Öz növbəsində Müsavat başqanı İsa Qəmbər bildirib ki, bütün seçkilərdə Sumqayıt camaatı demokratik düşərgənin namizədlərinə səs verib: “Azərbaycan hamımızındır. Azərbaycan oğruların deyil, Əliyevlərin deyil. 2003-cü ildə siz bunu onlara əyani şəkildə sübut etdiniz. Sumqayıt Azərbaycanın kiçik bir modelidir. Burada Azərbaycanımızın bütün bölgələrindən olan insanlar yaşayırlar. Bu dəfə də hər şey həddindən artıq aydındır. Onlarla oğru ilə təkcə Cəmil Həsənli mübarizə aparır”, deyə Qəmbər qeyd edib.
Həsənli deyib ki, Sumqayıt sənaye şəhəri kimi yaradılıb, amma SSRİ dağılandan sonra şəhərin müəssisələri dayanıb və kasıblıq başlayıb. İndiki rejim bu prosesi dayandıra bilməyib.
O qeyd edib ki, hakimiyyət xalqa etinasız yanaşır, ona görə namizədlərlə görüşə yararsız yerlər ayırır.
«Bu onların prezident postuna olan münasibətidir. Bu xalqa özlərinin köləsi kimi baxırlar. Əgər sən səs uğrunda mübarizə aparmırsansa, deməli sən padşahlıq eşqindəsən. Biz Məhəmməd Əmin Rəsulzadənin nəvələriyik. Bizim millətimiz buna imkan verməyəcək ki, kimsə başımıza padşah kəsilsin”, deyə Həsənli bildirib.
O həmçinin qeyd eidb ki, Qarabağ müharibəsində Azərbaycan çoxlu oğullarını itirib.
«Onların ailəsi bu gün səfalət içərisində yaşayır. İlham Əliyev hansı rayona gedirsə, ancaq atasının heykəlini, muzeylərini və mərkəzlərini ziyarət edir. Bəs, nəyə görə bir dəfə şəhid məzarlığına getməyib? Atasının heykəlini xarici ölkədə qoymaq üçün milyonlar xərcləyir», - deyə Həsənli bildirib.—06D—
Siyasət
-
Azərbaycan Xalq Cəbhəsi Partiyasının üzvü Elnur Həsənova 3 il həbs cəzası kəsilib. Avqustun 2-də Bakı Ağır Cinayətlər Məhkəməsində belə hökm verilib.
-
Tezliklə Rusiyada təkcə YouTube deyil, həm də Google, Android və İOS sistemləri bloklanacaq. Bunu bu gün Dövlət Dumasının deputatı Aleksey Didenko deyib.
-
Beynəlxalq Olimpiada Komitəsi (BOK) Parisdə keçirilən Yay Olimpiya Oyunlarının açılış mərasimində Fransanın aparıcı "France2" telekanalının müxbirinin ifadələrə görə Azərbaycandan üzr istəyib.
-
1 saylı Bakı İstintaq Təcridxanasının sanitar bölməsində saxlanılan I qrup əlil, ictimai fəal Famil Xəlilovun vəziyyəti son dərəcə ağırdır. Onun bədənində çoxsaylı yaralar var, özü də antisanitar vəziyyətdədir, - həyat yoldaşı Kiçikxanım Xəlilova bildirib.
Rəy yaz