![Cəmil Həsənliyə qarşı daha bir təxribat baş tutmadı](https://turan.az/resized/media/2013/main/092900051571-750-500-resize.webp)
Cəmil Həsənliyə qarşı daha bir təxribat baş tutmadı
Bir qrup təxribatçının sentyabrın 29-da axşam paytaxtda “Bakı” kinoteatrında Demokratik Qüvvələrin Milli Şurasından (DQMŞ) prezidentliyə namizəd Cəmil Həsənlinin gənclərlə görüşünü pozmaq cəhdlərinə baxmayaraq, görüş baş tutub və yüksək emosional atmosferdə keçib.
Saat 18.00-a təyin edilmiş görüş başlamazdan əvvəl müxtəlif MİS, bələdiyyə və Xətari rayon icra hakimiyyətinin nümayəndələrindən ibarət bir qrup şəxs zala daxil olub.
Kinoteatrın önündə də buna bənzər bir qrup görünüb, lakin onlar Həsənliyə qarşı plakatlar qaldıraraq, vaxtından əvvəl özlərini ələ veriblər və seçki qərargahı üzvlərinin tələbi ilə polis müdaxilə etmək və bu insanları kənarlaşdırmaq məcburiyyətində qalıb.
Zalda isə təxribatçılar Həsənli içəri girdikdə səs-küy salmağa çalışıblar. Lakin Həsənlinin tərəfdarları coşqun şəkildə etiraz edərək, bu insanları zalı tərk etməyə məcbur ediblər.
Onların bəziləri yenə də zalda qalaraq, vaxtaşırı təxribat xarakterli şüarlar səsləndirməyə çalışıblar.
Amma onların qışqırıqları müxalif liderin auditoriyası tərəfindən alqışlarla basdırılıb.
Bu zaman polis boş yer olmaması bəhanəsi ilə bir çox insanları zala buraxmayıb, baxmayaraq ki, insanlar Həsənlini ayaq üstdə də dinləməyə hazır idilər.
Cəmil Həsənli öz çıxışında başında şəxsən İlham Əliyevin durduğunu hesab etdiyi korrupsiya problemlərinə böyük diqqət yetirib.
O qeyd edib ki, korrupsiya səviyyəsi yüksək olduğu, hakim elitanın xalq sərvətlərini talan etdiyi üçün gənclərin öz ölkələrində imkanlarını həyata keçirmək perspektivi yoxdur. Həsənli vətəndaşları daha fəal olmağa və öz talelərinə biganə olmamağa, 9 oktyabr seçkilərində bu hakimiyyətə “Yox!” deməyə çağırıb.
Görüş başa çatdıqdan sonra onun iştirakçıları Həsənlini şadyanalıqla yola salıblar. -06D-
-
- Siyasət
- 29 Sentyabr 2013 16:43
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz