• flag_EN
    • flag_RU

Son yenilənmə

(9 saat əvvəl)
  • Ana səhifə
  • Siyasət
  • Təxribatçılar Cəmil Həsənlinin seçkiqabağı görüşünü poza bilmədilər
Təxribatçılar Cəmil Həsənlinin seçkiqabağı görüşünü poza bilmədilər
A- A A+
EN RU
Turan İnformasiya Agentliyi
Turan İnformasiya Agentliyi

Təxribatçılar Cəmil Həsənlinin seçkiqabağı görüşünü poza bilmədilər

Mingəçevir şəhərində (Bakıdan 400 km qərbdə) müxalifətin prezidentliyə namizədi Cəmil Həsənlinin seçicilərlə görüşü keçirilib.

Görüş yerli mədəniyyət evində keçirilib, tədbirdə yüzlərlə insan iştirak edib. Toplaşanlar arasında iyirmiyə yaxın təxribatçı və polis casusu olub, onlar atmacaları və hərəkətləri ilə görüşü pozmağa və ya çıxışlara mane olmağa çalışıblar. Polis guya xuliqanları saxlayırdı, əslində isə bu funksiyanı müxalifət fəalları və Həsənlinin mühafizəçiləri həyata keçirib. 
 
Görüşü Müsavat Partiyasının lideri İsa Qəmbər açıb. O, Həsənlini təqdim edib və onun xidmətləri haqqında danışıb. Qəmbər İlham Əliyev hökumətini tənqidə məruz qoyaraq, seçiciləri korrupsiyaya uğramış və iflas etmiş hakimiyyətə yox deməyə, özləri və övladları üçün daha yaxşı gələcəyə, azadlığa və ədalətə səs verməyə çağırıb.
 
AXCP sədr müavini Nurəddin Məmmədli bu xətti davam etdirərək, vətəndaşları daha fəal olmağa və öz talelərinə biganə qalmamağa çağırıb..
 
Cəmil Həsənli öz çıxışında İlham Əliyevin cinayətlərinə və siyasətdə, iqtisadiyyatda uğursuzluğuna xüsusi diqqət yetirib. O, ölkədə əxlaqi vəziyyətin ağır olmasına, elm və mədəniyyət səviyyəsinin düşməsinə diqqət çəkib. Bu fonda hakim rejim ölkənin sərvətlərini soymaq və buna mane ola biləcək hər şeyi və hər kəsi məhv etməklə məşğuldur. "Bizim vətəndaş borcumuz bu çıxılmaz vəziyyəti aradan qaldırmaqdır", deyən Həsənli seçiciləri 9 oktyabr seçkilərində bu hakimiyyətə "yox" deməyə çağırıb. 
 
Həsənli qeyd edib ki, seçildiyi təqdirdə iqtisadi amnistiya elan edəcək. İnhisarlara və korrupsiyaya son qoyulacaq. Bütün vətəndaşları bərabər imkanlar alacaq, bir partiyanın diktatına son qoyulacaq.
 
Təxribatçılar bir neçə dəfə Həsənlinin çıxışını pozmağa çalışıblar, onlardan biri saxlanılıb və polisə təhvil verilib. Bu zaman o, polis zabitinə belə deyib: "rəis, əlimdən gələni etdim də".
 
Görüş uğurla başa çatıb və Cəmil Həsənlinin komandası Bakıya yola düşüb. Axşam Bakıda gənclərlə daha bir görüş keçiriləcək. -0-

Rəy yaz

Siyasət

Bizi sosial şəbəkələrdə izləyin

Xəbər lenti