Cənubi Qafqazın vətəndaş fəallarının Tekalidən növbəti görüşü
İyunun 13-də saat 14:00-da Gürcüstanın Tekali kəndində (Azərbaycan, Ermənistan və Gürcüstan sərhədlərinin birləşdiyi yer) Cənubi Qafqaz sakinlərinin növbəti görüşü keçiriləcək. Tədbirdə “Avrointeqrasiya münaqişələrin transformasiyası mexanizmi kimi” mövzusunda müzakirələr aparılması planlaşdırılır.
Tədbirin press-relizində deyilir ki, bu mövzu üzrə “Regional strateji araşdırmalar mərkəzi”nin direktoru Mixeil Mirziaşvili və Qafqaz Strateji Araşdırmalar Mərkəzinini rəhbəri Mamuka Areşidze çıxış edəcəklər.
Çıxışlardan sonra tədbir iştirakçıları Ermənistan-Azərbaycan münaqişəsinin transformasiyasında Gürcüstan təcrübəsinin tətbiq edilməsi imkanları haqqında səs verəcəklər.
Daha sonra Azərbaycan və Ermənistanın cəbhə bölgəsində insan hüquq və azadlıqlarının müdafiəsi üzrə “Tekali prosesi” işçi qrupunun yaradılması haqqında hesabat təqdim ediləcək.
Qafqaz Sülhməramlı Təşəbbüslər Mərkəzinin (QSTM) məlumatına görə, bütün arzu edənlər üçün Tbilisi, Marneuli, Tovuz, Ağstafa, Qazax, İcevan, Noyemberyandan nəqliyyat təşkil ediləcək. Avtobusda yer ayırmaq üçün info@tekali.org elektron poçt ünvanı və ya +994 55 8726695 (Azərbaycan), +374 55 401459 (Ermənistan),+995 593 677634 (Gürcüstan) telefon nömrələri ilə təşkilatçılarla əlaqə saxlamaq lazımdır.
Görüşün təşkilatçıları “Tekali” Assosiasiyası, Qafqaz Sülhməramlı Təşəbbüslər Mərkəzi, Vətəndaş İnteqrasiyası Fondu, Regional Strateji Araşdırmalar Mərkəzidir. Tədbir Milli Demokratiyaya Dəstək Fondunun (NED) maliyyə dəstəyi ilə keçirilir.
Qeyd edək ki, Tekalidə görüşlər bir neçə ildir keçirilir, onların təşəbbüskarı erməni sülhməramlısı, rejissor Georgi Vanyandır. -02D-
-
- Cəmiyyət
- 6 İyun 2015 14:44
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz