Bakı/14.12.20/Turan: Zəngilan rayonu ərazisində döyüşlər zamanı həlak olmuş erməni hərbçilərin cəsədləri üzərində təhqiredici hərəkətlərə yol verməkdə və şəbəkədə alçaldıcı video yaymaqda şübhəli bilinən Azərbaycan Silahlı Qüvvələrinin dörd hərbçisi həbs edilib. Bu barədə dekabrın 14-də Azərbaycan Baş Prokurorluğu məlumat yayıb.
Daha iki azərbaycanlı hərbçi Xocavənd rayonunda qəbiristanlıqda erməni qəbirlərində daş plitələrin dağıdılmasında şübhəli bilinir.
“Azərbaycan Respublikasının Baş Prokurorluğu bəyan edir ki, Azərbaycan Respublikasının hərbi qulluqçuları tərəfindən yuxarıda qeyd olunan cinayət əməllərinin törədilməsi yolverilməz olmaqla tolerant, multikultural dəyərləri üstün tutan, tarixən humanistliyi ilə seçilən azərbaycan xalqının mentalitetinə ziddir. Oxşar xarakterli qanun pozuntularına yol vermiş şəxslər barəsində qanunla nəzərdə tutulmuş tədbirlər görülməklə məsuliyyətə cəlb edilmələri təmin ediləcək”.
Qeyd edilən məlumatlarla bağlı toplanmış materiallar əsasında Hərbi Prokurorluq tərəfindən Azərbaycan Respublikası Cinayət Məcəlləsinin 115.2 (işgəncə vermə, onlarla qəddar və ya qeyri-insani rəftar etmə) və 245-ci (qəbir və ya meyit üzərində təhqiredici hərəkət) maddələri ilə cinayət işləri başlanaraq iş üzrə intensiv istintaq-əməliyyat tədbirləri həyata keçirilib.0-
Siyasət
-
Bu gün Azərbaycan 2020-ci ildə Vətən müharibəsində qələbəsini qeyd edərək Zəfər Gününü bayram edir. Bu həlledici münaqişə 1992-1994-cü illərdən Ermənistanın işğalı altında olan Azərbaycan torpaqlarının azad edilməsi ilə nəticələndi.
-
Dövlət başçısının sərəncamı ilə müdafiə nazirinin müavini və Quru Qoşunları komandanı general-leytenant Hikmət Mirzəyev general-polkovnik rütbəsinə layiq görülüb.
-
Macarıstanın paytaxtında Avropa Siyasi Birliyinin beşinci sammiti keçirilir. Tədbirdə bir çox ölkənin liderləri iştirak edirlər.
-
Donald Trampın dövründə Azərbaycan-Amerika münasibətlərinin gələcəyini indidən proqnozlaşdırmaq çətindir, - Azərbaycan Xalq Cəbhəsi Partiyasının lideri Əli Kərimli Turan agentliyinə bildirib.
Rəy yaz