![Çexiya-Azərbaycan münasibətləri müsbət dinamikaya malikdir – səfir](https://turan.az/resized/media/2016/main/102100172534-750-500-resize.webp)
Çexiya-Azərbaycan münasibətləri müsbət dinamikaya malikdir – səfir
oktyabrın 28-də qeyd olunan Çexiya Respublikasının Milli günü ilə əlaqədar bu ölkənin Azərbaycandakı səfiri Vitezslav Pivonka ikitərəfli münasibətlərin hazırki vəziyyətinə həsr olunmuş mətbuat konfransı keçirib.
“Biz bu münasibətlərin stabil olduğunu və hər iki tərəfin maraqlarını nəzərə alaraq inkişaf etdiyini düşünürük”, deyən səfir qarşılıqlı investisiyalar və birgə layihələr üçün potensial olduğunu qeyd edib.
Səfir qeyd edib ki, Çexiya iki milyard dollarla Azərbaycanı xarici investorları arasında, xüsusən strateji nəqliyyat dəhlizinin tikintisində altıncı yeri tutur.
“Azərbaycan neft məhsullarının ixracı sahəsində strateji tərəfdaşdır, Çexiyanın neft emalı sənayesinin tələbatının 1/3-ni təmin edir”, deyə o bildirib.
Elm, təhsil, biznes, siyasi əlaqələr sahəsində də bərabər əməkdaşlıq həyata keçirilir. Yüksək səviyyədə səfərlərin və əlaqələrin mühüm təka verdiyini deyə səfir 2014-cü ildə prezident İlham Əliyevin Çexiyaya və ötən il prezident Miloş Zemanın Azərbaycana səfərini xatırladıb.
Öz növbəsində, səfirliyin konsulluq xidmətinin rəhbəri Yosef Boqaç bildirib ki, 2015-ci ildə Azərbaycan vətəndaşlarına 8,5 min viza verilib, 6 il ərzində isə 400 tələbə vizası verilib.
Səfirin sözlərinə görə, Praqada Çexiyada Azərbaycan kapitalının kifayət qədər iştirak etmədiyini hesab edirlər. O, həmçinin qeyd edib ki, Çexiya hökuməti Azərbaycan hökumətinin özəlləşdirmə planlarına böyük diqqətlə yanaşır və yeni özəlləşdirmə proqramına əsasən satışa çıxarılacaq müəssisələr siyahısının açıqlanmasını gözləyir. “Çexiya tərəfi həmçinin Azərbaycan iqtisadiyyatının şaxələndirilməsi proqramında, xüsusən kənd təsərrüfatı sahəsində iştiraka və öz təcrübəsi ilə bölüşməyə hazırdır”, deyə səfir bildirib.
Turan agentliyinin prezident Zemanın Qarabağ münaqişəsinin nizamlanmasında Ermənistan və Azərbaycan prezidentləri arasında vasitəçilik missiyası haqqında sualına cavabda səfir Pivonka deyib ki, Çexiya Vışeqrad qrupu və Şərq Tərəfdaşlığı çərçivəsində qarşılıqlı fəaliyyət təcrübəsinə və imkanlarına malik olaraq, danışıqlar prosesinə və münaqişənin tənzimlənməsinə müsbət dinamika qazandıra bilərdi.
Turan-ın prezident Zemanın bu təşəbbüsünün onun Çexiya parlamentinə 1915-ci il erməni “soyqırımını” tanımaq zərurəti haqqında çağırışı ilə ziddiyyət təşkil etdiyi haqqında qeydinə səfir belə cavab verib: “Çexiya Parlament Respublikasıdır, burada cari siyasəti parlament və hökumət formalaşdırır, bizim parlamentdə bu məsələ ilə bağlı hər-hansı qətnamə hazırlanması haqqında məlumatımız yoxdur”.
Səfirin köməkçisi Petr Vaqner qeyd edib ki, ona kökləri orta əsrlərə dayanan Çexiya-Azərbaycan münasibətlərinin inkişaf tarixi haqqında elmi əsərin yekunlaşdığı məlumdur. “Kitabın gələn il işıq üzü görəcəyini və ikitərəfli münasibətlərdə mühüm hadisə olacağını gözləyirik”. -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz