Jeyhun Bayramov and Ibrahim Raisi
Bakı/05.07.22/Turan: İyulun 4-də Tehranda rəsmi səfərdə olan Azərbaycan xarici işlər naziri Ceyhun Bayramov İran prezidenti İbrahim Rəisi ilə görüşüb.
Görüş zamanı iqtisadi və siyasi sahələrdə ikitərəfli münasibətlərin inkişafı və möhkəmləndirilməsi məsələləri müzakirə olunub.
İRNA agentliyinin məlumatına görə, Rəisi Azərbaycan prezidentinin Tehrana səfərinin ikitərəfli münasibətlərin inkişafına təkan verəcəyini bildirib.
Öz növbəsində Azərbaycan Xarici İşlər Nazirliyinin mətbuat xidməti bildirib ki, Bayramov iki prezidentin görüşlərinin və Aşqabadda əldə olunan razılaşmaların vacibliyini qeyd edib.
Bayramov energetika, nəqliyyat sahələrində ikitərəfli layihələrin əhəmiyyətini, xüsusilə də Şərqi Zəngəzur regionu və Naxçıvan arasında İran vasitəsilə yeni kommunikasiyaların yaradılmasını qeyd edib.
O, işğaldan azad edilmiş ərazilərdə birgə layihələrin reallaşdırıldığını vurğulayıb.
Görüşdə həmçinin regionda vəziyyət, təhlükəsizlik və sabitliyin təmin olunması üçün region ölkələrinin əməkdaşlığının əhəmiyyəti müzakirə olunub. 02D
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz