Ceyhun Bayramovun ATƏT-in baş katibilə görüşü

Bakı/01.12.23/Turan:  Cümə axşamı xarici işlər naziri Ceyhun Bayramov ATƏT Nazirlər Sovetinin Skopyedəki iclası çərçivəsində ATƏT-in baş katibi Helqa Şmid ilə görüşüb.

Xarici İşlər Nazirliyinin  məlumatına görə, Azərbaycan-ATƏT ikitərəfli əməkdaşlığının əsas istiqamətləri, regional və beynəlxalq təhlükəsizlik məsələləri ətrafında fikir mübadiləsi aparılıb.

“Görüşdə postmünaqişə dövründə regionda yaranmış reallıqlar, işğaldan azad olunmuş ərazilərin bərpası və məcburi köçkünlərin mərhələli şəkildə həmin ərazilərə qayıdışı, bərpa-qayıdış fəaliyyətlərinə ən böyük əngəl kimi mina təhdidi məsələləri müzakirə olunub. Həmçinin Ermənistanla sülh yolu ilə nizamlanma məsələləri müzakirə olunub.

Erməni əhalinin Qarabağdan çıxmasına gəlincə, qeyd olunub ki, onlara qarşı heç bir zorakılıq olmayıb.

Görüş zamanı qarşılıqlı maraq doğuran digər məsələlər də müzakirə olunub.-16D-