C.Həsənli Avopa Şurasını antidemokratiyaya xidmətdə ittiham edib

Demokartik Qüvvələrin Milli Şurasının (DQMŞ) prezidentliyə namizədi Cəmil Həsənli bazar ertəsi Müsavat Partiyasında seçkilərin təbliğat mərhələsilə bağlı təqdimatından sonra jurnalistlərin suallarını cavablandırıb. 

Beyənlxalq qurumların Azərbaycanda seçkilə bağlı mövqelərinə C.Həsənli tənqidi münasibət bəsləyib. Bu sırada C.Həsənli Avropa Şurasından xüsusi narazılıq ifadə edib. 10 il müddətində Avropa Şurasının Azərbaycana Avropa dəyərlərini gətirə bilmədiyini, əksinə, Azərbaycanın öz “dəyər”lərini Avropa Şurasına apardığını bildirib. Türkiyə parlamentinin üzvü Mövlud Çavuşoğlunun AŞPA-ya başçılıq etməsinin Azərbaycanda antidemokratiyanın inkişafına xüsusi təkan verdiyi vurğulanıb. C.Həsənli prezident seçkilərində beyənlxalq qurumlara deyil, xalqa arxalandığını, qələbəni də məhz xalqla birlikdə qazanacağını bəyan edib. 

Qələbəsinə nə dərəcədə əmin olması sulaına cavab verən C.Həsənli müxtəlif müstəqil sorğularda ən azı 63% səslə qalan rəqiblərini üstələdiyini nəzərə çatdırıb. 

Seçkidən sonra İlahm Əliyev seçki saxtakarlığı nəticəsində özünü prezident elan edəcəyi halda atılacaq addımlarla bağlı suala cavab olaraq C.Həsənli ölkə Konstitsuyası və qanunların verdiyi imkanlardan istifadə edilərək, mübarizə aparılacağını nəzərə çatdırıb. -05C-