Müsavat Partiyasının Divanı bazar ertəsi növbəti toplantısını keçirib. Bu xəbər Turan-a partiyadan məlum olub.
Yığıncaqda ictimai-siyasi məsələlər müzakirə olunub, Bakıda, Şəkidə, Gəncədə, Sabirabadda, Ağdaşda, Sumqayıtda, Masallıda və s. yerlərdə keçiriən Milli Şuranın namizədi Cəmil Həsənliyə dəstək mitinq-görüşləri müsbət qiymətləndirilib.
Seçki kampaniyasının son günlərində baş verən qanun pozuntuları, siyasi fəalların təqibləri pislənilib və bununla bağlı xüsusi bəyanat qəbul olunub.
Prezident seçkilərinin qanun və Konstitusiyaya uyğun keçirilməsi tələbilə iqtdiara müraciət edilib. Son günlər baş verən olaylar hakim rejimin yenə öz ənənəsinə uyğun olaraq seçkilərin nəticələrini saxtalaşdırmaq xətti tutması kimi şərh edilib. Belə olan halda bu saxtakarlıqların növbəti dəfə xalqın iradəsinə qəsd və ölkənin nüfuzuna ağır zərbə olacağı xatırladılıb.
Toplantı iştirakçıları xalqa müraciət edərək, seçkilərdə fəal iştiraka, Milli Şuranın namizədi, xalqın görkəmli ziyalısı, professor Cəmil Həsənliyə səs verməyə çağırıb. -05D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz