COP29 təşkilat komitəsi yaradılıb

Yanvarın 13-də Azərbaycan prezidenti İlham Əliyev Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu və Paris Sazişinin Tərəflər Görüşünün 6-cı sessiyalarının keçirilməsi ilə əlaqədar Təşkilat Komitəsinin yaradılması haqqında Sərəncam imzalayıb.

Prezidenti Administrasiyasının rəhbəri Samir Nuriyev Təşkilat Komitəsinin sədri təyin olunub.

 Ekologiya və təbii sərvətlər naziri, COP29-un müəyyən edilmiş Prezidenti Muxtar Babayev, xarici işlər naziri, iqtisadiyyat naziri, daxili işlər naziri, fövqəladə hallar naziri, səhiyyə naziri, rəqəmsal inkişaf və nəqliyyat naziri, energetika naziri, Dövlət Təhlükəsizliyi Xidmətinin rəhbəri, prezidentin köməkçiləri (Hikmət Hacıyev və Anar Ələkbərov), Bakı Şəhər İcra Hakimiyyətinin başçısı, bir sıra komitələrin, xidmətlərin və agentliklərin rəhbərləri Təşkilat Komitəsinin üzvləri təyin ediliblər.

Təşkilat Komitəsinə bu ilin noyabrında qeyd edilən forumların Bakıda keçirilməsi ilə bağlı tədbirlər planını hazırlayıb həyata keçirmək tapşırılıb. 06В