Corc Kent: Azərbaycan və Ermənistan XİN başçılarının görüş tarixi hələlik müəyyən olunmayıb

Bakı/03.05.19/Turan: ABŞ ATƏT-in Minsk Qrupunun həmsədrlərindən biri olaraq Qarabağ münaqişəsinin nizamlanması məsələsində öz məsuliyyətini ciddi şəkildə dərk edir. Bu barədə ABŞ dövlət katibinin müavini Corc Kent cümə axşamı Bakıda bir qrup jurnalistlə görüşündə bildirib.

O, Azərbaycan və Ermənistan xarici işlər nazirlərinin əlaqələrindən və görüşlərindən, xüsusən son Moskva görüşündən məmnunluğunu bildirib. Etimad tədbirlərinin möhkəmləndirilməsi, jurnalist mübadiləsi, hər iki ölkədə həbsdə olanların yaxınlarının səfər mübadiləsi üzrə tədbirlərin möhkəmləndirilməsi haqqında razılaşmalar, bu cür etmiad tədbirlərinin yaradılması çox vacibdir, deyə o bildirib.

"Biz Azərbaycan və Ermənistan XİN başçılarının Vaşinqtonda görüş müddətinin razılaşdırılmasını və təşkil edilməsini gözləyirik. Tarix hələlik müəyyən edilməyib.

Biz ATƏT çərçivəsində işlənib hazırlanmış beynəlxalq prinsiplər nəzərə alınmaqla sülh yolu ilə nizamlanmaya nail olmaqda maraqlıyıq, deyə Kent bildirib. -02B-