Bakı/02.05.19/Turan: "Ümumdünya Mətbuat günü münasibətilə sizin peşəyə öz hörmətimi bildirmək istərdim. ABŞ hesab edir ki, Azərbaycan da daxil olmaqla, istənilən ölkəyə azad media lazımdır. Bilirik ki, burada həbsdə olan bir neçə jurnalist var. Ümid edirik ki, onlar azad olunacaq və bütün jurnalistlər sərbəst işləmək imkanları əldə edəcək. Azad medianın zonası genişlənir və bir gün "Azadlıq" radisosu yenə Azərbaycana qayıdacaq", - ABŞ dövlət katibinin köməkçisinin müavini Corc Kent cümə axşamı Bakıda öz brifinqinə bu bəyanatla başlayıb.
Səfərin detallarına toxunan Kent bildirib ki, Azərbaycanda üç gün ərzində ölkə prezidenti və XİN rəhbəri daxil olmaqla, rəsmi şəxslərlə görüşüb.
Qeyd edək ki, C.Kent iki günü Azərbaycanın şimalında Xaçmaz rayonunda keçirib, USAİD-in kənd təsərrüfatında layihəsi ilə tanış olub, fermerlərlə görüşüb.
C.Kentin sözlərinə görə, kənd təsərrüfatı sahəsində əməkdaşlıq ABŞ və Azərbaycan arasında əlaqələrin möhkəmləndirilməsi üçün istiqamətlərdən biridir.
Onun fikrincə, bu zonada meşə fındığının istehsalına diqqət yetirilməsinin fermerlər üçün etibarlı gəlir mənbəyi kimi böyük əhəmiyyəti var və Azərbaycan üçün də ixrac baxımından əhəmiyyət kəsb edir.-02B-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz