Corc Kent: �S-400-ün Azərbaycana veriləcəyi barədə məlumatlar əsassızdır�

Bakı/02.05.19/Turan: Təhlükəsizlik, islahatlar, ilk növbədə hüquqi sahədə islahatlar, həmçinin Qarabağ münaqişəsinin dinc yolla nizamlanması və Əfqanıstandakı beynəlxalq koalisiya qüvvələrinin Azərbaycan tərəfindən dəstəklənməsi ikitərəfli münsibətlərdə mühüm mövzular olaraq qalır. Bunu ABŞ dövlət katibinin köməkçisinin müavini Corc Kent cümə axşamı Bakıda brifinqdə bildirib.

"Azərbaycanın NATO aviasiyası üçün hava məkanını bağlaması nə dərəcədə doğrudur?" sualının cavabında C.Kent deyib ki, NATO aviasiyası üçün heç bir problem yoxdur.

"Amerika təyyarələri sərbəst uçurlar. Ola bilsin ki, söhbət Almaniya aviasiyası üçün problemdən gedir. Bunun NATO-Azərbaycan əlaqələrinə aidiyyatı yoxdur. Bu, Azərbaycanla Almaniya arasında ikitərəfli məsələdir", - C.Kent deyib.

Türkiyənin S-400 HHM sistemi almasının və onların Azərbaycana verilməsinin mümkünlüyü barədə Turan-ın sualının cavabında C.Kent deyib ki,

Vaşinqtonun mövqeyi dəyişməzdir. NATO üzvü olan Türkiyənin Rusiya sistemindən istifadə etməsi NATO-nun təhlükəsizliyinə qorxu yaradır. "Biz birmənalı şəkildə bəyan etmişik ki, əgər Türkiyə həmin sistemi yerləşdirərsə, bizim F-35 təyyarələrini almayacaq", - C.Kent bildirib.

"Bu məsələ ətrafında müxtəlif spekulyasiyalar və yozumlar var. Türkiyə bu təyyarələrin bəzi hissələrinin istehsalına dair saziş imzalayıb və amerikalı general Skaparotti birmənalı şəkildə bildirib ki, Türkiyə Rusiya sistemini yerləşdirərsə F-35 almayacaq", - C.Kent qeyd edib.

S-400-ün Azərbaycana verilməsinə gəlincə, C.Kentin sözlərinə görə, bu söhbətlər Türkiyə tərəfdən qaynaqlanır və əsassızdır. Ancaq istənilən halda sualı Ankaraya ünvanlamaq lazımdır.

"İstənilən halda, bu, ciddi məsələdir və bağlanmayıb. ABŞ-ın mövqeyi dəyişməzdir", - o vurğulayıb. -02B-

Rəy yaz

Siyasət

Грузия меняет западную ориентацию и идет на сближение с Россией? - беседа с экспертом по Кавказу Вадимом Дубновым в программе "Çətin sual"



Bizi sosial şəbəkələrdə izləyin

Xəbər lenti