C.Uorlik: Azərbaycanın işğal edilmiş əraziləri azad edilməlidir

Hərtərəfli sülh sazişi qoşunların Azərbaycanın işğal edilmiş ərazilərindən çıxarılmasını, Dağlıq Qarabağın statusunun müəyyən edilməsini və digər məsələləri nəzərdə tutmalıdır, bu barədə ATƏT-in Minsk Qrupunun Amerikalı həmsədri Ceyms Uorlik bu gün Bakıda jurnalistlərə bildirib.

O, tərəfləri hərtərəfli sülh sazişi üzərində işə başlamaq üçün əllərindən gələni etməyə çağırıb. Bunun üçün “siyasi iradə” lazımdır, deyə Uorlik bildirib.

“Bu münaqişənin həllini tapmaq üçün mümkün olan hər şey edilməlidir. Biz tərəflərlə onun həlli yolları ilə bağlı bütün təklifləri müzakirə etməyə hazırıq”, deyə o bildirib. Lakin atəşkəs rejiminə riayət etmədən sülh yolu ilə tənzimlənmə mümkün deyil. MQ “tərəflərin real sadiqliyini və münaqişənin həllində irəliləmək üçün siyasi istəyini” görmək istəyir.

Həmsədrlər Azərbaycan və Ermənistan XİN rəhbərlərinin görüşləri üçün imkan yaratmağa hazırdırlar. Vasitəçi bildirib ki, sabah ATƏT MQ-nin həmsədrləri Xankəndinə, oradan isə Yerevana gedəcəklər.

Bakıda onlar Azərbaycan prezidenti, XİN rəhbəri və müdafiə naziri tərəfindən qəbul ediliblər.

Rəsmi hesabatlardan göründüyü kimi, Azərbaycan rəhbərliyi bu danışıqlarda sərt mövqe nümayiş etdirib. -06D-