![Daha bir azərbaycanlı diplomat Bakıya dönməkdən imtina edib](https://turan.az/resized/media/2015/main/101600133225-750-500-resize.webp)
Daha bir azərbaycanlı diplomat Bakıya dönməkdən imtina edib
Keçmiş diplomat Arif Məmmədova qarşı cinayət işilə əlaqədar istintaq onunla çalışmış XİN işçilərini dindirməkdə davam edir.
Bu barədə Turan-a məlumatlı mənbə bildirib. Mənbə qeyd edib ki, xarici diplomatik nümayəndəliklərdə çalışan əməkdaşlar Bakıya çağırılır və onlardan A. Məmmədova qarşı öncədən hazırlanmış sənədlərə imza atmaq tələb olunur. Əks halda özlərini cinayət məsuliyyətinə cəlb olunacaqları ilə hədələyirlər.
Onlardan biri Samir İsmayılovdur. O, A.Məmmədovun rəhbərliyi dövründə Azərbaycanın Strasburqdakı nümayəndəliyində çalışıb.
May ayında A.Məmmədov 15 insanın ölümü ilə nəticələnən yanğında günahkar olan məmurları Facebook-da tənqid edərək hakimiyyətin qəzəbinə tuş gəldikdən sonra S.İsmayılov təkidlə Bakıya çağırılıb. S.İsmayılov bu müddətdə Azərbaycanın Fransadakı səfirliyində təsərrüfat işləri üzrə müdir vəzifəsində çalışıb. S.İsmayılovun rəsmi çağırış göndərilməsi tələbinə cavab olaraq ona qarşı təzyiq və təqiblər başlayıb. Bundan sonra diplomat Bakıya dönməkdən imtina edib.
Baş Prokurorluğun tələbi əsasında XİN S.İsmayılovu xidməti ezamiyyətdən geri çağırıb. Bakiıya dönməsinin təmin etməsini tələb edib.
A.Məmmədov S.İsmayılovun təqib edilməsi, ona qarşı təzyiqlərin olmasını Turan-a təsdiqləyib. Lakin S.İsmayılovla əlaqə saxlamaq mümkün olmayıb.
XİN mətbuat xidməti S.İsmayılovun ətrafında yaranan vəziyyəti şərh etmir. Baş Prokurorluq da şərh verməyərək “araşdıracağını” vəd edib.
Xatırladaq ki, bu, ölkəyə qayıtmaqdan imtina edən dördüncü azərbaycanlı diplomatdır. Onları birləşdirən A.Məmmədovun Facebook-da məmurları tənqid edən yazısını “like” etmələridir.—06D-
-
- İqtisadiyyat
- 16 Oktyabr 2015 14:27
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz