DAK sədri milli fəalları aclığı dayandırmağa çağırıb

Dünya Azərbaycanlıları Konqresinin (DAK) sədri, deputat Sabir Rüstəmxanlı Güney Azərbaycanın bir qrup milli fəalını aclıq aksiyasını dayandırmağa çağırıb. 

DAK sədri həbsxanada aparılan bu aksiyanı ruhi azadlıq, mənəvi zənginlik, rejimin ən ağır basqıları altında əqidə, milli davadan dönməmək göstəricisi adlandırıb. Həmçinin rejimin bu aksiyaya laqeyd yanaşması qəddar, amansız sifətini bir daha nümayiş etdirməsi hesab olunub. Qarşıda böyük bir mübarizə yolu olduğunu xatırladan S.Rüstəmxanlı fədakar hərəkatçılara millətiin ehtiyacının çox olduğunu xüsusi vurğulayıb. Gələcək mübarizədə iştirak etmək və bu qalibiyyəti görməyi hərəkatçıların haqqı adlandıran DAK sədri aksiyanın  beynəlxalq aləmə kifayət qədər səs saldığını qeyd edib. Bundan irəl gələrək aksiya iştirakçılarına həbsxanada aksiyanı dayandırmaq xahişi edir.

“Yeni GAMOH” təmsilçiləri 5 nəfər olmaqla bu ilin iyulunda 9 il azadlıqdan məhrum ediliblər. Siyasi fəallar Lətif Həsəni, Ayət Mehrəlibəyli, Şəhram Radmehr, Mahmud Fəzli və Behbud Quluzadə qərarla razılşamır və aclıq aksiyasına başlayıblar. Sağlıq durumları çox pis olsa da  fəallar aksiyanı davam etdirirlər.-05D-