ABŞ-ın ATƏT-dəki səfiri Daniel Bayer ATƏT-in Vyanada Daimi Şurasında növbəti dəfə Azərbaycanda hüquq və azadlıqların pozulması ilə bağlı bəyanatla çıxış edib.
Noyabrın 3-də artıq gənc fəal Qiyas İbrahimovun siyasi və saxta ittihamla 10 il həbs edilməsi ilə bağlı narahatlıq ifadə etdiyini xatırladan Bayer qeyd edib ki, dekabrın 8-də Azərbaycan hakimiyyəti eyni ittihamla digər fəal Bayram Məmmədovu da həbs edib.
“Bu gənc NİDA üzvləri barəsindəki hökmlərdən, polisdə onlara işgəncə verilməsi haqqında məlumatlardan çox narahatıq və hakimiyyəti İbrahimovu və Məmmədovu, eləcə də fundamental hüquqlarını, o cümlədən ifadə, toplaşmaq və birləşmək azadlığı hüquqlarını həyata keçirdiklərinə görə həbs edilən bütün digər şəxsləri azad etməyə çağırırıq.
Biz həmçinin hakimiyyəti jurnalist Xədicə İsmayılovanın ölkədən çıxışına qoyulmuş qadağanı ləğv etməyə çağırırıq”, deyə səfir qeyd edib.
“ABŞ hökuməti bir daha Azərbaycan hakimiyyətini ATƏT qarşısında beynəlxalq öhdəliklərini yerinə yetirməyə çağırır”, deyə bəyanatda bildirilir. -16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz