DAS jurnalistlərin azadlığa buraxılmasını tələb edir
DAS jurnalistlərin azadlığa buraxılmasını tələb edir
26 mart 2024-cü ildə "Demokratik Azərbaycanı Seç" (DAS) mühacir təşkilatının fəalları Berlində Almaniya Xarici İşlər Nazirliyinin və Azərbaycan səfirliyinin qarşısına toplaşaraq mitinq təşkil ediblər. Onların şüarı Azərbaycanda "Jurnalist terroruna son!" olub.
Aksiya iştirakçıları Azərbaycanda söz azadlığına qarşı repressiyanı pisləyiblər və ölkədə ağır vəziyyətin aradan qaldırılmasına yönəlmiş bir sıra tələblər irəli sürüblər. Bu tələblər Almaniya Xarici İşlər Nazirliyinə təqdim edilib:
- Saxlanılan bütün jurnalistlər sərbəst buraxılsın;
- Siyasi sifarişli həbslər zamanı işgəncə tətbiq edən polis və istintaq əməkdaşları müəyyəmləşdirilib istintaqa cəlb edilsinlər;
- Bütün növ siyasi təqiblərə son qoyulsun;
- Müraciətdə qeyd olunan məlumatların beynəlxalq ictimaiyyətə çatdırılmasına yardım edilsin;
- Siyasi məhbusların azad edilməsi üçün Azərbaycan hakimiyyətilə ciddi danışıqlar aparılsın;
- Ölkədə demokratik prinsiplərin bərqərar olunması üçün Azərbaycan siyasi hakimiyyətinə təzyiqlər edilsin.
DAS-ın əsas təşkilatçısı Elbəyi Dadaşov qeyd edib ki, çıxışlar zamanı "AbzasMedia", "Kanal 13", "Toplum"TV media strukturlarının bağlanması, onların əməkdaşlarının, eləcə də digər media fəallarının həbsləri pislənilib.
-
- Cəmiyyət
- 26 Mart 2024 16:23
Siyasət
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
-
Cümə günü Bayden administrasiyası Ukraynaya ən böyük hərbi yardım paketinin ayrıldığını elan edib, Turan-ın Vaşinqton müxbiri bildirib.
-
"Meclis.info" platformasının həbsdə olan rəhbəri İmran Əliyevə qarşı yeni ittiham irəli sürüldüyü deyilir.
-
İstintaq təcridxanasında 8 günlük quru aclıq aksiyası Azərbaycan Xalq Cəbhəsi Partiyasının (AXCP) fəalı Elnur Həsənovun sağlamlığı üçün mənfi nəticələrə səbəb olub. O, 17,5 kq arıqlayıb və onun həzm sistemində problemlər yaranıb.
Rəy yaz