Daxili İşlər Nazirliyi İlhamiz Quliyevin saxlandığını təsdiq edir, lakin onun polisdə xidmət etdiyini inkar edir

Bakı/05.12.23/Turan: Azərbaycan Daxili İşlər Nazirliyi narkotik maddə işində şübhəli bilinən ictimai fəal İlhamiz Quliyevin saxlandığını təsdiqləyib.

Daxili İşlər Nazirliyinin mətbuat xidmətinin əməkdaşı Nurlan Əliyev Turan-a bildirib ki, Quliyev “bir qrup şəxslə əlbir olaraq narkotik vasitələrin qanunsuz dövriyyəsində şübhəli bilinir”.

“O, istintaqa məlum olan şəxsləri narkotik vasitələrlə təmin edib. Onun əvvəllər polis əməkdaşı kimi xidmət etməsi barədə ı iddialar əsassızdır. O, heç vaxt polis əməkdaşı olmayıb”, - Əliyev deyib.

Qeyd edək ki, Quliyev dekabrın 4-də saxlanılıb. Yaxınlarının sözlərinə görə, saxlama zorakılıqla həyata keçirilib. Hüquq müdafiəçilərinin fikrincə, həbsin səbəbi Quliyevin “Abzas Media” nəşrinə verdiyi müsahibədir.  O, siyasi fəalları təqib etmək üçün polisin “sənədləşdirilməmiş narkotik maddələrdən” istifadə etməsindən danışıb.

Quliyev anonim olaraq təqdim edilib, onun səsi isə xüsusi proqramla dəyişdirilib.

Hələlik məhkəmənin Quliyevin barəsində qətimkan tədbirinin seçilməsi məsələsinə nə vaxt baxacağına dair  məlumat yoxdur. –21B-