Bakı/15.02.20/Turan: 9 saylı Binəqədi ikinci seçki dairəsindən bir qrup namizəd şənbə günü MSK-nın binası qarşısında etiraz mitinqi keçirib.
Deputatlığa namizəd Elşad Musayev jurnalistlərə bildirib ki, bu dairədə seçki prosesi kobud pozuntularla keçib. Seçki komissiyalarının üzvləri tərəfindən hakim partiyanın namizədi Kəmaləddin Qafarovun xeyrinə saxtalaşdırmalar təşkil edilib. Onun sözlərinə görə, bu pozuntuların hamısı sənədləşdirilib və videoya çəkilib.
Bu dairədən digər namizəd Günel Səfərova MSK-ya müraciəti oxuyub. Müraciəti 15 namizədin imzalayıb. Sənəddə “karusel” şəklində qanun pozuntuları, seçki qutularına topa bülletenlərn atılması, namizədlərə və onların nümayəndələrinə fiziki təzyiqlərin göstərilməsi ətraflı təsvir edilib.
“Biz nəticələrin rəsmən ləğvinə və təkrar seçkilərin keçirilməsinə çağırırıq. Lakin MSK şikayətə bizim iştirakımız olmadan baxdı və irəli sürdüyümüz ittihamları rədd etdi”, - o deyib.
Həmin dairədən digər namizəd Ülvi Həsənov da seçkinin nəticələrinin ləğvini tələb edib.
“Kəmaləddin Qafarovun komandasının üzvləri tərəfindən namizədlərin döyülməsi, jurnalistlərə və müşahidəçilərə fiziki təzyiqlərin göstərilməsi barədə kifayət qədər video materiallımız var. Biz seçkilərin nəticələrinin ləğvini tələb edirik”, - o deyib.
“İlham Əliyev dedi ki, əgər seçkidə pozuntular olsaydı, adamlar səslərini ucaldardı. Bax, budur, görünməmiş pozuntuları barədə məlumat vermək üçün səsimizi ucaldırıq”, - G. Səfərova əlavə edib.
34 saylı Xətai ikinci dairəsinin namizədlərindən ibarət başqa bir qrup saxtakarlıqdan şikayət edərək MSK-ya gəlib. Namizəd Səməd Rəhimlinin sözlərinə görə, MSK-da onların şikayətinə baxmaqdan imtina ediblər və deyiblər ki, videomaterialları izləməyə vaxt yoxdur.
“Topa bülletenlərin atıldığı, “karusel”lərin və digər pozuntuların baş verdiyi dairədə nəticələrin ləğv edilməsi üçün yetərincə sübutlarımız var. MSK şikayətlərə baxmağa hazır olduğunu ancaq sözdə bəyan edir, əməldə isə bunu etmirlər”, - namizəd deyib.-21B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz