Metyu Miller
"Dərin narahatam": ABŞ Azərbaycanda üç jurnalistin həbsinə reaksiya verir, ifadə azadlığına hörmət etməyə çağırır
TURANın Vaşinqton müxbiri xəbər verir ki, ABŞ çərşənbə axşamı bir daha Azərbaycan hökumətini ölkədəki hüquq və azadlıqlara hörmət etməyə çağırıb, çünki Bakıda hakimiyyət orqanları “AbzasMedia” müstəqil xəbər agentliyi ilə əlaqəsi olan daha bir neçə jurnalisti həbs edib.
Dövlət Departamentinin sözçüsü Metyu Miller: “Üç jurnalistin: Ülvi Həsənlinin, həmçinin onun həbsdə olarkən fiziki zorakılığa məruz qalması; Sevinc Vaqifqızı və eyni zamanda mülki fəal olan Maqomed Kekalovun həbsi ilə bağlı xəbərlərdən dərindən narahatıq”. Bu barədə Dövlət Departamentinin nümayəndəsi Metyu Miller TURANa bildirib.
“Biz Azərbaycan hökumətini hamının hüquq və azadlıqlarına, o cümlədən ifadə azadlığına hörmət etməyə çağırırıq”, - Miller əlavə edib.
TURANın daha əvvəl xəbər verdiyi kimi, çərşənbə axşamı Bakı şəhər Xətai Rayon Məhkəməsi Həsənli və Vaqifqızının ölkəyə “qanunsuz” pul gətirməkdə təqsirli bilinərək 4 ay müddətinə həbsdə qalması barədə qərar çıxarıb. Günahları sübuta yetirilərsə, onları Azərbaycan Cinayət Məcəlləsinin 206.3.2-ci maddəsi ilə 8 ilədək azadlıqdan məhrumetmə cəzası gözləyir.
Nyu-Yorkda yerləşən Mətbuat Azadlığı və Jurnalistləri Müdafiə üzrə Qlobal Müşahidə Komitəsinə görə, Kekalovun harada olduğu çərşənbə axşamı axşam saatlarına kimi naməlum olaraq qalır. Repressiya qorxusunu əsas gətirərək özünü təqdim etməyən bir mənbə bildirib ki, mülki geyimli şəxslər Kekalovu bazar ertəsi Bakıdakı evindən notbuku və mobil telefonu ilə birlikdə aparıblar.
“Abzas Media” 2014-cü ildən bəri müstəqil media və mətbuat azadlığı qruplarına qarşı silsilə reydlər, həbslər və cinayət araşdırmalarından sonra Azərbaycanda qalan azsaylı müstəqil nəşrlərdən biridir.
Siyasi korrupsiyanı araşdıran jurnalistlərin sonuncu həbsi Azərbaycanda yüksək səviyyəli korrupsiyanı ifşa etdiyinə görə qisas məqsədilə iyul ayından qondarma ittihamlarla həbsdə olan iqtisadçı Qubad İbadoğlunun həbsindən sonra baş verib.
-
- Siyasət
- 22 Noyabr 2023 10:55
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz