Di Mayo: “İtaliya enerji mənbələrinin diversifikasiyasında Azərbaycana ümid edir”

Bakı/02.04.22/Turan: Azərbaycan Cənubi Qafqazda İtaliyanın əsas ticarət tərəfdaşıdır və İtaliyanın Cənubi Qafqazla apardığı ticarətin 95 faizi Azərbaycanla aparılır. Rəqəmlər çox yaxşıdır, demək olar ki, ötən il 10 milyard dollar olmuşdu. Əminəm ki, bu il İtaliyaya əlavə qaz təchizatına görə bu göstərici daha da artacaq", - Əliyev deyib.

 Enerji əməkdaşlığında yeni imkanlar var. “Uzun illər Azərbaycan neft təchiz edən etibarlı mənbə olub və İtaliyaya neft təchizatının bir nömrəli mənbəyidir. İndi isə “Cənub” qaz dəhlizi layihəsinin tamamlanması ilə önəmli qaz təchizatçısına çevrildik və biz qaz təchizatında 3-cü yerdəyik. İrəliləmək üçün potensial olsa, əlbəttə ki, biz bunu edəcəyik. Həmçinin ötən il bizim 7 milyard kubmetr qazı təchiz etməyimizlə bağlı göstərici də məni çox məmnun etdi və bu il bundan da çox olacaq”, - Əliyev deyib.

Dövlət başçısı İtaliya şirkətlərinin azad edilmiş ərazilərin bərpa-quruculuq işlərində fəal iştirakından məmnunluğunu ifadə edib.

Di Mayo qaz mövzusunda aşağıdakıları qeyd edib.

Siz TAP-ı (Transadriatik qaz kəməri) qeyd etdiniz. Bu layihə məhz bu dövrdə - sülh dövründə iqtisadi əlaqələrin yaradılmasının əhəmiyyətini nümayiş etdirir.

Azərbaycanın xarici işlər naziri Ceyhun Bayramovla görüşdən sonra keçirilən brifinqdə Di Mayo qeyd edib ki, antirusiya sanksiyaları Avropada enerji vəziyyətinə təsir göstərib. "Antirusiya sanksiyaları təkcə İtaliyaya yox, energetika sahəsində bütün Avropa ölkələrinə təsir göstərir. Bu kontekstdə biz bu sahədə böyük potensiala malik etibarlı tərəfdaşlarımızla əməkdaşlığa böyük diqqət yetiririk. Artıq İtaliya Rusiyadan enerji asılılığından xilas olmaq istəyir. Azərbaycan əsas prioritet tərəfdaşlardan biridir. Bizim Azərbaycanla əlaqələrimiz təkcə enerji sahəsində deyil.  Bu gün Bakı ilə münasibətlərimiz yüksək səviyyədədir. Bu gün Azərbaycan İtaliyanın əsas tərəfdaşlarından biridir", - Di Mayo deyib.

Bu gün iki ölkə Xarici İşlər nazirlikləri rəhbərlərinin iştirakı ilə Azərbaycan-İtaliya strateji dialoqunun ilk iclası keçirilib.

Bu gün həmçinin Azərbaycan-İtaliya Universitetinin təməlqoyma mərasimi keçiriləcək.

İtaliyada isə Azərbaycan Mədəniyyət Mərkəzinin açılması planlaşdırılır.06B-