Açiq mənbələrdən foto.
DİN: Bakıdan giriş-çıxış yalnız “icaze.e-gov.az” portalında qeydiyyatdan sonra həyata keçiriləcək
Bakı/04.08.20/Turan: Avqustun 5-dən Bakıdan rayonlara “icaze.e-gov.az” saytında qeydiyyatdan keçmiş və icazəsi olan şəxslər gedə biləcəklər. Bu barədə DİN mətbuat xidmətinin rəhbəri Ehsan Zahidov bildirib.
Nazirlər Kabineti yanında Operativ Qərargahın qərarına əsasən, xüsusi karantin rejimi avqustun 31-dək uzadılır. Bununla yanaşı, Bakıda və daha 13 şəhər və rayonda sərtləşdirilmiş xüsusi karantin rejimi fəaliyyət göstərir.
Həmin şəhərlərdə və rayonlarda giriş-çıxışa nəzarəti polis əməkdaşları və Daxili Qoşunların hərbi qulluqçuları həyata keçirəcəklər.
Postlardan “icaze.e-gov.az” portalında qeydiyyatdan keçmiş şəxslər və nəqliyyat vasitələri buraxılacaq, DİN-in nümayəndəsi bildirib.
Lakin məlum olmur ki, bundan öncə “icaze.e-gov.az” portalında verilmiş icazələr avtomatik olaraq uzadılacaq, ya yox. O da məlum deyil ki, icazəni arzu edənlərin hamısı alacaq, yoxsa öncədən bu icazəsi olan şəxslər və təşkilatlar ala biləcək.
Eyni zamanda avqustun 3-də keçirilən brifinqdə ASAN xidmətin rəhbəri Ülvi Mehdiyev tammailə bunun əksini deyib: rayonlara səfər üçün portalda qeydiyyat lazım deyil, yazılı ezamiyyət vəsiqəsi lazım olacaq. -16D-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz