ATƏT-in KİV azadlığı üzrə xüsusi nümayəndəsi Dunya Miyatoviç Dublində keçirilən ATƏT XİN Şurası iştirakçılarının diqqətini ifadə azadlığı sahəsindəki problemlərə çəkib.
“Çox şadam ki, ATƏT-də sədrlik edən İrlandiya KİV azadlığı məsələsini gündəliyə çıxarır”, deyə Miyatoviç dekabrın 6-da İrlandiya paytaxtında keçirdiyi mətbuat konfransında bildirib.
“İki həftə əvvəl jurnalistlərin hüquqları sahəsində vəziyyətlə bağlı çıxış etdim. Bir çox ölkələrdə bu sahədə pozuntular var. Jurnalistlər, blogerlər həbsxanalarda saxlanılır. Bütün ATƏT ölkələrində jurnalistlərin təhlükəsizliyi təmin edilməlidir”, deyə Miyatoviç bildirib.
Turan-ın xüsusi müxbirinin Dublindən verdiyi məlumata görə, o, həmçinin on-line ifadə azadlığı məsələsinə toxunaraq, 13-14 fevral 2013-cü ildə Vyanada İnternet azadlığı üzrə konfrans keçiriləcəyini bildirib.
Azərbaycanda mətbuat azadlığı sahəsində vəziyyət haqqında suala cavabda Miyatoviç deyib:
“Bu yaxınlarda Azərbaycanda oldum, orada bütün qapılar üzümə açıq idi. Jurnalistlərlə də, hüquq müdafiəçiləri ilə də, ölkə rəhbərliyi ilə də görüşdüm. Amma bütün həbsdə olan jurnalistlərin, blogerlərin və hüquq müdafiəçilərinin azad edilsə daha yaxşı olardı”.
O qeyd edib ki, həmişə KİV azadlığı və jurnalistlərin təhlükəsizliyindən söz düşəndə səsini yüksəldir. -04С-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz