Donald Tusk Cənubi Qafqaza səfərə Azərbaycandan başlayıb

Bakı/09.07.19/Turan: Avropa İttifaqı Şurasının prezidenti Donald Tusk iyulun 9-da, çərşənbə axşamı Azərbaycana gəlib.

Bakıda o, Azərbaycan prezidenti İlham Əliyev ilə danışıqlar aparıb. Qonaq həmçinin Bakı Beynəlxalq Dəniz Limanına gedəcək.

Danışıqların gündəliyinə ikitərəfli əməkdaşlıq, regional əməkdaşlığın genişləndirilməsi məsələləri daxildir. Tərəflər 2008-ci ildən Azərbaycanın iştirak etdiyi "Şərq tərəfdaşlığı" proqramını da müzakirə edəcəklər.

Proqram keçmiş sovet respublikalarının Aİ iqtisadiyyatına geniş inteqrasiyasını, qarşılıqlı siyasi fəaliyyətin səviyyəsinin artırılmasını və təqdim edilən maliyyə yardımıın həcminin artırılmasını nəzərdə tutur, RİA Novosti yazır.

D.Tusk Bakıya Kiyevdən gəlib. İyulun 10-da Yerevana, oradan isə Batumiyə gedəcək. İyulun 11-12-də "Şərq tərəfdaşlığı"nın 10 illiyinə həsr olunmuş yüksək səviyyəli beynəlxalq konfransda iştirak edəcək.

D.Tusk 2015-ci il iyulun 20-22-də Cənubi Qafqaz ölkələrinə regional səfəri çərçivəsində Azərbaycanda olub.0-