![Donald Tusk İlham Əliyevlə görüşündə insan hüquqları məsələsini qaldırıb](https://turan.az/resized/media/2017/main/020600182390-750-500-resize.webp)
Donald Tusk İlham Əliyevlə görüşündə insan hüquqları məsələsini qaldırıb
Avropa İttifaqı Azərbaycanın müstəqilliyini, suverenliyini və ərazi bütövlüyünü dəstəkləyir və onu özünün mühüm tərəfdaşı hesab edir. Bu barədə Aİ Şurasının prezident Donald Tusk fevralın 6-da Brüsseldə Azərbaycan prezidenti İlham Əliyevlə danışıqlardan sonra bildirib.
“Biz etibarlı və strateji tərəfdaşlığa əsaslanaraq əməkdaşlığı daha da genişləndirmək istəyirik. Azərbaycan Avropanın enerji təhlükəsizliyində və enerji təchizatının diversifikasiyasında mühüm önəm kəsb edir.
“Cənub” qaz dəhlizinin başa çatdırılması ilə bağlı bizim ümumi öhdəliklərimiz var”, - D.Tusk bildirib.
Aİ Azərbaycanın əsas ticarət tərəfdaşlarından və investorlardan biridir.
“Biz Azərbaycan iqtisadiyyatının modernləşdirilməsinə və diversifikasiyasına necə yardım edə biləcəyimizlə bağlı məsələləri müzakirə etdik”, - D.Tusk vurğulayıb.
Onun sözlərinə görə, Azərbaycanın ÜTT-yə daxil olmasına dair danışıqlarda irəliləyişin əldə edilməsi rəqabət qabiliyyətli biznesə yol aça bilərdi və müvafiq olaraq iqtisadi inteqrasiyaya imkan verərdi.
“Danışıqlar zamanı mən bizim insan hüquq və azadlıqlarına, o cümlədən ifadə azadlığına verdiyimiz önəmi qeyd etdim. Aİ hesab edir ki, bu, açıq cəmiyyətlərdə uzunmüddətli sabitlik üçün ən yaxşı zəmanətdir. Biz bu məsələlərdə tərəfdaş kimi çalışmaq istəyirik”, - o bildirib.
D.Tusk mədəniyyətlərarası dialoqda Azərbaycanın körpü rolu oynadığını qeyd edib.
Görüş zamanı Dağlıq Qarabağ münaqişəsinin dinc yola nizamlanmasının vacibliyini vurğulayıb. O, nizamlanmanın hərbi yolla həllinin olmadığını deyərək problemin siyasi müstəvidə, beynəlxalq hüquq əsasında nizamlanmasının vacibliyini bildirib. Aİ ATƏT-in Minsk Qrupunun vasitəçilik səylərini və təkliflərini dəstəkləyir.
D.Tusk fevralın 7-də Azərbaycan və Aİ arasında tərəfdaşlıq haqqında yeni saziş üzrə danışıqlara başlanmasını sevindirici hal adlandırıb. Bu saziş əməkdaşlğın miqyasını genişləndirəcək. —06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz