Mədən Sənayesində Şəffaflığın Artırılması Təşəbbüsü üzrə QHT Koalisiyasının bəzi üzvləri Koalisiya Şurasını Çoxtərəfli Qrupuna üzv seçkilərini ədalətsiz keçirməkdə ittiham ediblər.
Koalisiya üzvü Əliməmməd Nuriyevin adından Turan agentliyinə daxil olan bəyanatda iddia olunur ki, seçkilərdə Şuranın beş üzvü iştirak etməyib cə ÇTQ-nin altı üzvünün seçilməsi "sövdələşmənin" nəticəsi olub.
Nuriyev hesab edir ki, seçkilər koalisiyanın iradəsini əks etdirmir, "seçilmiş altılıq" isə siyasi qüvvələrin maraqlarını əks etdirir. Buna görə ÇTQ-də "kompromis" əldə etmək - ÇTQ-yə üç nümayəndəni altı Şura üzvündən, digər üç nümayəndəni isə Şuranın digər beş üzvü arasından seçmək təklif olunub. Amma "altılıq" bu təklifi qəbul etməyib və yalnız onun seçdiyi üzvlərin iştirakında israr edir.
Bu səbəbdən mübahisəli məsələnin həllini Koalisiyanın ümumi rəyinə təqdim etmək təklif olunub. İclasda iştirak edən Şura üzvləri Qubad İbadoğlu, Oqtay Gülalıyev, İlqar Hüseynli, Nəsimi Məmmədli və Azər Rəsulov müzakirələri tərk ediblər.
ÇTQ rəhbəri Şahmar Mövsümov fevralın 7-də bütün Koalisiya üzvləri ilə görüş təyin edib. –06D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz