Dövlət Departamenti: Bakının hərəkətləri ikitərəfli əlaqələrə təsir etdi

Vaşinqton/17.11.23/Turan: Bakının Vaşinqtonda Qarabağa dair görüşün növbəti raunduna məhəl qoymamasından və Birləşmiş Ştatları qərəzli olmaqda ittiham etməsindən sonra ABŞ cümə günü  öz mövqeyini təkrarlayıb.

Dövlət Departamentinin nümayəndəsi  Azərbaycan Xarici İşlər Nazirliyinin noyabrın 16-da verdiyi bəyanatı şərh edərkən  TURANın   Vaşinqton müxbirinə   deyib: “Azərbaycan onun hərəkətlərinin münasibətlərimizə təsir etdiyini etiraf edir, lakin biz Ermənistan və Azərbaycanı sülhə sövq etməkdə davam edəcəyik”.

Azərbaycan Xarici İşlər Nazirliyi cümə axşamı bildirib ki, “ABŞ-ın birtərəfli yanaşması” səbəbindən noyabrın 20-də Vaşinqtonda keçirilməsi planlaşdırılan görüşdə iştirak edə bilməyəcək.

Bakı səfir Ceyms O'Brayen-in bu çərşənbə Nümayəndələr Palatasının Xarici Əlaqələr Komitəsi qarşısında verdiyi şərhə etiraz edib və bildirib ki, Bakı və Irəvan  arasında sülh sazişi  olmayanacan, "Vaşinqtonun Azərbaycanla münasibətləri əvvə ki kimi  ola bilməz”. -0-