![Dunya Miyatoviç yanvarın 12-də Bakıda etiraz aksiyası zamanı jurnalistlərə qarşı zorakılığı pisləyib](https://turan.az/resized/media/2013/main/011500024685-750-500-resize.webp)
Dunya Miyatoviç yanvarın 12-də Bakıda etiraz aksiyası zamanı jurnalistlərə qarşı zorakılığı pisləyib
ATƏT-in KİV azadlığı məsələləri üzrə nümayəndəsi Dunya Miyatoviç yanvarın 15-də bəyanatla çıxış edərək yanvarın 12-də orduda əsgər ölümünə etiraz olaraq keçirilən aksiya zamanı jurnalistlərə qarşı polis tərəfindən zorakılıqla bağlı narahatlığını bildirib.
“Mən KİV işçilərinə qarşı istənilən zorakılığı KİV azadlığı və plüralizm yolunda ciddi maneə kimi pisləyirəm. Mən Azərbaycan hakimiyyətini bu insidenti pisləməyə və gələcəkdə bu cür halların qarşısının alınması üçün tədbirlər görməyə çağırıram”, - Miyatoviç vurğulayıb.
Zərər çəkən jurnalistlərin sırasında “Obyektiv”TV-nin müxbiri Rasi Əliyev, “Azadlıq” radiosunun reportyoru Vüsalə Əlibəyli, “Azadlıq” qəzetinin müxbiri İslam Şıxəli, həmçinin deyerler.org xəbərlər portalının jurnalisti var.
Bəyanatda Reportyorların Azadlığı və Təhlükəsizliyi İnstitutunun (RATİ) rəhbəri Emin Hüseynova qarşı zorakılığı xüsusilə qeyd edib. Belə ki, nümayiş zamanı polislər onu yerə yıxıblar.
“Mən jurnalistlərin mətbuat işçilərinin seçilməsinə imkan verən jiletlərdə olmalarına baxmayaraq, onların amansız rəftara məruz qalmalarından çox narahatam”, - Miyatoviçin Azərbaycan XİN və DİN rəhbərlərinə göndərdiyi məktubda deyilir.
“Bu insident göstərir ki, biz reportyorların təhlükəsizlik standartlarına əməl olunmasına yardım məqsədilə ötən ilin noyabrında Bakıda polis əməkdaşları və jurnalistlər üçün təşkil etdiyimiz təlim kursları kimi birgə tədbirləri davam etdirməliyik”, - Miyatoviç vurğulayıb.
Bu, Azərbaycan hökuməti tərəfindən maliyyələşdirilən ilk belə treninq idi və Azərbaycan Mətbuat Şurası ilə birgə keçirilmişdi.—06D--
-
- Analitika
- 15 Yanvar 2013 23:22
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz