Əbdül Əbdülov: Bütün ümidimiz Mehriban Əliyevayadır

“Vətən Naminə Xalq Birliyi” (VNXB) Hərəkatı deputat Mehriban Əliyevaya müraciət ünvanlayıb.

Müəlliflər M.Əliyevanın prezidentliyə namizədliyini irəli sürməklə xalqın istək və arzularını ifadə etdiklərini bildirirlər. Müəlliflərin fikrincə, Azərbaycanı bu günün və sabahın bəlalarından qurtarmağı ancaq M.Əliyeva bacarar. Onlara görə, hətta milli barışğın yolu belə məhz M.Əliyevanın prezident olmasından keçir. 

“Müstəqilliyin daha da möhkəmlənməsi belə sizin əlinizdədir, ümid ancaq sizədir”, deyə müəlliflər M.Əliyevanı ölkənin problemlərinin həllində aparıcı şəxs kimi gördüklərini bəyan edirlər. 

Müəlliflər M.Əliyevanın namizədliyini irəli sürmələrinin təsadüfün yox, uzun təhlillərin nəticəsi olduğunu bəyan edirlər. İndiki halda ölkəni məmur özbaşınalığı, rüşvət bataqlığından M.Əliyevanın çıxarmağa qadir olduğu qənaətlərini ifadə edirlər. 

Müəlliflər müraciətdə son olaraq M.Əliyevadan prezidentliyə namizədliyini irəli sürməsini xahiş edərək, bütün lazım olan ictimai dəstəyi verəcəklərini bildirirlər.

VNXB bu ilin yayında təsis edilib. Quruma “Tövbə” (Hacı Əbdül Əbdülov), “Bakı-Dirçəliş” cəmiyyətləri, “Aziərbaycan Tərəqqi Alyansı” və s. daxildir. -05D-