“Yeni Nəsi” jurnalist təşkilatı “Avropa Qonşuluq Siyasətinin Şərq regionunda söz azadlığının monitorinqi” layihəsi çərçivəsində Media Azadlığı İndeksini açıqlayıb.
İndeks öz sahələrində 5 il stajı olan və dövlət orqanlarında və siyasi təşkilatlarda təmsil olunmayan hüquq müdafiəçilərinin, sosioloqların, ictimai xadimlərin və jurnalistlərin iştirak etdiyi ekspert sorğuları əsasında tərtib edilib. Sorğu 22-25 iyun tarixlərində keçirilib.
“Siyasət” bloku üzrə vəziyyət 8 meyar əsasında müəyyən edilib (media azadlığının qanunverici əsasları).
“Təcrübə” blokunda 37 meyar üzrə (KİV əməkdaşlarının öldürülməsi, oğurlanması, döyülməsi və s. fiziki hücumlar; saxlanılması, təqibi və şantajı; təqiblərdə hakimiyyətin iştirakı; jurnalistlərə qarşı qanunsuz əməllər törədənlərin cəzalandırılması üçün lazımi tədbirlərin görülməsi) qiymət verilib.
Teleradioyayım blokunda vəziyyət 5 meyar əsasında qiymətləndirilib (ictimai televiziyanın, özəl yayım şirkətlərinin müstəqilliyi; tənzimləyici orqanların rolu; efirdə plüralizm; rəqəmli yayıma keçid konsepsiyası).
İnternet və yeni media sahəsində də vəziyyət 5 meyar üzrə qiymətləndirilib (İnternet azadlığını məhdudlaşdıran qanunvericilik normalarının, tənzimləyici qurumların mövcudluğu; bloqqerlərin, fəal internet istifadəçilərinin təqib edilməsi; internet-xidmətlərin göstərilməsi sahəsində monopoliya; internet informasiya mənbələrinə girişin məhdudlaşdırılması; İnternetdən istifadə şərtləri).
Yekun indeks bloklar üzrə balların toplanması yolu ilə tərtib edilib (ümumilikdə 55 meyar).
İndeks 1 (0-dan 20 bala qədər) media azadlığının bu blok üzrə ən aşağı, indeks 7 (130-dan 150 bala qədər) ən yüksək səviyyəsinə uyğun gəlir.
Nəticədə Avropa Qonşuluq Siyasətinin şərq regionunun ölkələri aşağıdakı şəkildə yerləşdirilib:
| Gürcüstan | 1222 (bal) | 6 (bal) |
| Moldova | 1111 | 5 |
| Ermənistan | 912 | 4 |
| Ukrayna | 797 | 4 |
| Azərbaycan | 523 | 3 |
| Belarus | 414 | 2 |
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz