![Əbülfəz Elçibəyin zəhərlənməsi faktı ilə bağlı qaldırılmış cinayət işi üzrə dindirmələr davam edir](https://turan.az/resized/./turan-750-500-resize.webp)
Əbülfəz Elçibəyin zəhərlənməsi faktı ilə bağlı qaldırılmış cinayət işi üzrə dindirmələr davam edir
Eks-prezident Əbülfəz Elçibəyin zəhərlənməsi faktı ilə bağlı Müasir Müsavat Partiyasının sədri Hafiz Hacıyevin iddiası ilə Bakı şəhər Prokurorluğunda avqustun 17-də Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə başlanmış cinayət işinin istintaqı davam edir.
Turan Agentliyinə məlum olub ki, istintaq orqanı indiyədək Əbülfəz Elçibəyin köməkçisi olmuş Əli Mürsəloğlunu, həkim Məzahir Məmmədovu, hüquqşünas Adil Minbaşını, Elçibəyin evində yaşadığı Rafiq adlı şəxsi, eyni ilə də Elçibəyi müayinə etmiş Famil və Mir Sabit adlı həkimləri və digər bir neçə şəxsi dindirib.
Bununla yanaşı, Müasir Müsavat Partiyasının sədri Əbülfəz Elçibəyi zəhərləməkdə ittiham etdiyi Əli Kərimli, eləcədə eks-prezidentin yaxın silahdaşları İsa Qəmbər, Pənah Hüseyn indiyədək istintaqa dəvət edilməyib.
Öz növbəsində, Baş Prokurorluğun mətbuat xidməti eks-prezident Əbülfəz Elçibəyin zəhərlənməsi faktı üzrə qaldırılmış cinayət işinin istintaqının davam etdiyini bildirib. Bununla yanaşı, mətbuat xidməti istintaqın təfərrüatları ilə bağlı hər-hansı açıqlama verilməsinin nəzərdə tutulmadığını bildirib. -03B-
-
- İqtisadiyyat
- 27 Avqust 2012 13:18
-
- İqtisadiyyat
- 27 Avqust 2012 13:37
Siyasət
-
Məlimatda deyilir, ki 94 saylı Ucar seçki dairəsinin 2, 4, 9 cu seçki məntəüələrində “ karusel” əməliyyatını “onbaşı” və “yüzbaşı” lar həyata keçirir. Prosesə din xadimləri də cəlb edilib. “Karusel” əməliyyatına etraz edən Müsavat Partiyasının deputatlığa namizədi Zakir İsmayıl polislə hədələnib.
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
70 saylı Neftçala seçki dairəsinin Astanlı kəndindəki seçki məntəqəsinin yaxınlığında naməlum şəxslər növbədənkənar parlament seçkilərində iştirak edən deputatlığa namizəd Vəfa Nağanın müşahidəçisinin avtomobilinə hücum edib.
-
Sumqayıt şəhər 42 saylı birinci seçki dairəsi üzrə deputatlığa namizəd Şəfəq Mailova müxtəlif seçki məntəqələrində qanun pozuntuları olduğunu açıqlayıb.
Rəy yaz