Abulfaz Melikov
Əbülfəz Məlikov həbs edilib /YENİLƏNİB/
Bakı/08.08.22/Turan: Səbail Rayon Məhkəməsinin qərarı ilə "Broker" Məhdud Məsuliyyətli Cəmiyyətin rəhbəri Əbülfəz Məlikovun barəsində 2 ay müddətinə həbs qətimkan tədbiri seçilib.
Məhkəmədən bildiriblər ki, Əbülfəz Məlikova qarşı xüsusilə böyük məbləğdə vergi və gömrük ödənişlərindən yayınma, həmçinin vəzifə saxtakarlığı ittihamları irəli sürülüb.—06D-
* * *
2022 Avqust 08 (Bazar ertəsi) 12:01:10
Əbülfəz Məlikovun "gömrükçülərin işi" üzrə saxlanıldığı bildirilir
Bakı/08.08.22/Turan: Sahibkar Əbülfəz Məlikov saxlanılıb, yerli KİV bildirib.
Həmin mənbələrə görə, o, Dövlət Təhlükəsizliyi Xidmətinin araşdırdığı yüksək vəzifəli gömrük əməkdaşlarının cinayət işi çərçivəsində məsuliyyətə cəlb olunub.
Məlikov gömrük rəsmiləşdirilməsi sahəsində "brokerlik fəaliyyəti" ilə tanınır.
Bundan əvvəl mediada bildirildiyi kimi, Azərbaycanda qeyri-qanuni rüsumlarla ölkəyə mal gətirən sahibkarların vergiyə cəlb edilməsi “broker xidmətləri” adlanan sxemlərlə həyata keçirilib.
Sahibkarla gömrük məmuru arasında “birbaşa əlaqələr”in istisna edilməsi bəhanəsilə sənədləşmə işləri “brokerlər” vasitəsilə həyata keçirilib.
İddialara görə, Məlikov müəyyən ödəniş müqabilində malların xeyli aşağı qiymətlərlə sənədləşdirildiyi böyük strukturlardan birinə nəzarət edib.
Bu, Məlikovun vasitəsilə işləyən firmalara üstünlükləri yaradırdı, eyni zamanda dövlətə vergi daxilolmalarının azaldılmasından yetərincə vəsait daxil olmayıb.
İKİV-in yazdığına görə, Məlikov dövlət büdcəsinə vergi və gömrük ödənişlərindən yayınmaqda, vəzifə saxtakarlığında şübhəli bilinərək cəlb olunub.
Həmçinin iddia olunur ki, Məlikov müəyyən növ mallar üzrə idxal inhisarlarına sahib olub.
KİV-in məlumatına görə, Məlikov Fövqəladə Hallar Nazirliyi rəhbərinə yaxın adamdır, əvvəllər isə Dövlət Gömrük Komitəsinin rəhbəri Kəmaləddin Heydərova yaxın olub.
Ən azı Heydərovun övladlarının sahibi olduğu “Gilan” holdinqə daxil olan "Qəbələ aqrokompleks" məhdud məsuliyyətli cəmiyyətin təsisçisidir.
Hələlik hüquq-mühafizə orqanları Əbülfəz Məlikovun saxlanılması barədə məlumatı rəsmi olaraq təsdiqləməyiblər. 06B
Siyasət
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
-
İran İsrailə vasitəçi vasitəsilə məlumat verib ki, oktyabrın 26-na keçən gecə İsrail qüvvələri tərəfindən həyata keçirilən hava hücumuna cavab addımları atmadan çəkiləcək. Bu barədə Sky News Arabia platforma X-dəki bloqunda anonim mənbəyə istinadən məlumat yayıb.
-
Səmada 100 təyyarə: İsrail üç saat ərzində İrana zərbələr endirib Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.
Rəy yaz