Əfqan Sadıqov Gürcüstan Penitensiar Xidmətinin xəstəxanasına yerləşdirilib
Əfqan Sadıqov Gürcüstan Penitensiar Xidmətinin xəstəxanasına yerləşdirilib
Tbilisi təcridxanasında aclığın 17-ci günü “Azel” TV saytının təsisçisi əfqan Sadıqovun vəziyyəti kəskin pisləşib. O, oktyabrın 8-nə keçən gecə Gürcüstan Penitensiar Xidmətinin tibb müəssisəsinə yerləşdirilib. Bu barədə Turan-a jurnalistin xanımı Sevinc Sadıqova bildirib .
"Bu barədə mənə gecə istintaq təcridxanasının əməkdaşı bildirib. Əfqan ilə danışmağa imkan verilməsini xahiş etdim, amma dedilər ki, indi bu, mümkün deyil", - Sadıqova deyib.
"Əfqan aclıq yolunu seçib, çünki Azərbaycanda və Gürcüstanda öz hüquqlarını başqa yollarla müdafiə edə bilmədi. Bu gün vəkillər ona baş çəkməlidirlər", - o deyib.
Öz növbəsində vəkil Dmitri Nozadze əfqan Sadıqovun xəstəxanaya yerləşdirilməsi barədə məlumatı təsdiqləyib. Bu gün vəkil onunla Gürcüstan Penitensiar Xidmətinin tibb müəssisəsində görüşüb.
Sadıqov həkimlərin nəzarəti altındadır, "çox zəifləyib", ancaq aclığa davam edir.
* Əfqan Sadıqov təqib olunmaqdan ehtiyat edərək 2023-cü ilin dekabrında ailəsilə birlikdə Gürcüstana gedib. İyulda onu Gürcüstandan Türkiyəyə buraxmayıblar, deyiblər ki, ancaq Azərbaycana gedə bilər.
Avqustda Azərbaycanın tələbilə həbs edilib. Bakıda onu təhdid yoluyla qəsb etməkdə ittiham edirlər və ekstradisiyasını tələb edirlər. Əfqan Sadıqov həbsinə və ona sığınacaq verməkdən imtina olunmasına etiraz edərək sentyabrın 21-dən aclıq edir.
-
- Siyasət
- 8 Oktyabr 2024 12:53
Siyasət
-
Azərbaycanın Laçın şəhəri 2025-ci ildə MDB-nin mədəniyyət paytaxtı olacaq, daha sonra estafet erməni Mehrisinə, ondan sonra isə Belarusun Molodeçno şəhərinə keçəcək. Bunu Rusiya prezidenti Vladimir Putin çərşənbə axşamı Moskvada MDB sammitində deyib.
-
Bugünkü təkbətək görüşlərdə Rusiya prezidenti Vladimir Putin İlham əliyev və Nikol Paşyanla yarım saata yaxın söhbət edib. Bu barədə jurnalistlərə Rusiya prezidentinin mətbuat katibi Dmitri Peskov bildirib.
-
Oktyabrın 8-də Rusiya prezidenti Vladimir Putin və Ermənistanın baş naziri Nikol Paşinyan Kremldə görüşüblər. Onların danışıqlarının əsas mövzularından biri Bakı və Yerevan arasında münasibətlərin normallaşmasıdır. Bundan öncə Rusiya prezidenti analoji məsələni Azərbaycan prezidenti İlham əliyevlə müzakirə edib.
-
Bu gün Milli Məclis ətraf mühitin çirklənməsinə görə məsuliyyətin sərtləşdirilməsi haqqında İnzibati Xətalar Məcəlləsinə dəyişiklikləri birinci oxunuşda qəbul edib. Belə ki, gəminin bortundan zibil və digər əşyaların atılmasına görə cərimə 30 manatdan 300 manatadək artırılıb.
Sülh müqaviləsindən kim yayınır: Ermənistan, yoxsa Azərbaycan? – Elxan Şahinoğlu Çətin sualda
Xəbər lenti
-
- Cəmiyyət,
- 16:18
- 202
Rəy yaz