Əfqan Sadıqov ilə bağlı vəziyyət
Əfqan Sadıqov ilə bağlı vəziyyət
“Azel” TV saytının təsisçisi əfqan Sadıqova siyasi sığınacaq verilməsindən imtina ilə bağlı Gürcüstan Daxili İşlər Nazirliyinin Miqrasiya Departamentinin qərarından oktyabrın 16-da Tbilisi Şəhər Məhkəməsinə şikayət verilib, Turan-a onun vəkili Keti Çutlaşvili bildirib.
Daxili İşlər Nazirliyinin Miqrasiya Departamenti müracitə baxaraq belə nəticəyə gəlib ki, Azərbaycanda Əfqan Sadıqova qarşı cinayət təqibi davam etsə də, bu, Avropa İnsan Hüquqları Konvensiyasında qeyd olunan “siyasi motivlərə görə təqib” sayılmır, vəkil deyib.
“Bundan əlavə, Departament hesab edir ki, Əfqan Sadıqov Azərbaycanda ayrı-seçkilik xarakterli təqibə və ya qeyri-mütənasib cəzaya məruz qalmayacaq. Departamentin gəldiyi nəticə işin faktiki halları ilə birbaşa ziddiyyət təşkil edir ki, bu da Əfqan Sadıqovun uzun illər peşə fəaliyyətilə bağlı cinayət və inzibati məsuliyyətə cəlb olunduğunu sübut edir.
Sadıqov Azərbaycana ekstradisiya edilərsə, onu yenidən siyasi təqib, işgəncə və ya qeyri-insani rəftar gözləyir.
Təəssüf ki, Miqrasiya Departamenti Əfqan Sadıqovun qeyd etdiyi faktiki hallarla bağlı lazımi araşdırma aparmayıb.
Onların arasında onun siyasi məhbus hesab edildiyi və dərhal azadlığa buraxılmasını tələb etdiyi beynəlxalq təşkilatların (ABŞ Dövlət Departamenti, Niderlan Xarici İşlər Nazirliyi, Amnesty International, Human Rights Watch) bəyanatları var”, - vəkil deyib.
Azərbaycanda insan hüquqlarının kütləvi şəkildə pozulmaması fikri tamamilə əsassızdır, vəkil hesab edir.
* Əfqan Sadıqov təqib olunmaqdan ehtiyat edərək 2023-cü ilin dekabrında ailəsilə birlikdə Gürcüstana gedib. İyulda onu Gürcüstandan Türkiyəyə buraxmayıblar və deyiblər ki, ancaq Azərbaycana qayıda bilər.
Avqustda Azərbaycanın sorğusu əsasında Əfqan Sadıqov həbs edilib. Bakıda onu hədə yoluyla tələb etməkdə ittiham edirlər və ekstradisiyaslnl tələb edirlər.
O, həbsinə və ona sığınacaq verilməsindən imtina edilməsinə etiraz olaraq sentyabrın 21-dən aclıq edir. Oktyabrın 8-də aclıq nəticəsində vəziyyəti pisləşib və həbsxana xəstəxanasına köçürülüb.
Siyasət
-
Çərşənbə günü Ədalət Mühakiməsinin Səmərəliliyi üzrə Avropa komissiyası Avropa məhkəmə sistemlərinin qiymətləndirilməsinə dair hesabatı açıqlayıb.
-
Azərbaycan Xarici İşlər Nazirliyinin nümayəndəsi Ayxan Hacızadə Fransada "Afrika xalqlarının hüquqları uğrunda mübarizə aparan" Kemi Seba və "Telegram" sosial şəbəkəsinin təsisçisi Pavel Durovun Fransada həbs olunması fundamental insan hüquqlarının pozulması adlandırıb.
-
Azərbaycanın baş nazirinin müavini Şahin Mustafayev İrana səfəri çərçivəsində oktyabrın 15-də İranın xarici İşlər naziri Seyid Abbas Əraqçi ilə görüşüb.
-
Seçkilərin Monitorinqi və Demokratiyanın Tədrisi Mərkəzinin direktoru, hazırda həbsdə olan Anar Məmmədlinin səhhəti gün-gündən pisləşir. Bu barədə vəkil Elçin Sadıqov bildirib.
Rəy yaz