Əfqan Sadıqovun xanımı Gürcüstanın ombudsmanı ilə görüşüb
Əfqan Sadıqovun xanımı Gürcüstanın ombudsmanı ilə görüşüb
Azərbaycanın “Azel” TV saytının təsisçisi Əfqan Sadıqov 4-cü gündür Gürcüstanda təcridxanada aclıq edir. Sadıqov Azərbaycanın sorğusu əsasında onun ekstradisiya prosesinin dayandırılmasını və əsassız cinayət təqibinə son qoyulmasını tələb edir.
Sentyabrın 24-də onun xanımı Sevinc Sadıqova Gürcüstanın ombudsmanı Levan İoseliani ilə görüşüb. O, ombudsmana Əfqanın aclıq etməsi barədə məlumat verib.
"Mən onun sağlamlığını nəzarət altında saxlamağı və ona tibbi nəzarət tətbiq etməyi xahiş etdim. O, bunu edəcəyini vəd etdi və dedi ki, aclıq jurnalistin hüququdur.
Sadıqova Gürcüstanda özü və uşaqlar üçün təhlükənin olduğunu bildirib. Təhdidlərə görə uşaqları məktəbə buraxa bilmir.
"Ombudsman dedi ki, bizim təhlükəsizliyimizi təmin etməkdən ötrü tədbirlərin görülməsi üçün dövlət orqanlarına müraciət edəcək", - Sadıqova deyib.
Onunla birlikdə görüşdə vəkil Rusudan Mçedişvili də iştirak edib.
* Gürcüstan hakimiyyəti Əfqan Sadıqova siyasi sığınacaq verməkdən imtina etdikdən sonra sentyabrın 20-də o, aclığa başlayıb.
Sadıqov təqib olunmaqdan ehtiyat edərək 2023-cü ilin dekabrında ailəsilə birlikdə Gürcüstana gedib. İyulun ortalarında onu Gürcüstandan Türkiyəyə buraxmayıblar və bildiriblər yalnız Azərbaycana gedə bilər.
Avqustda Azərbaycanın ekstradisiya tələbilə Sadıqov həbs edilib. Bakıda onu təhdid yoluyla tələb etməkdə ittiham edirlər.
Əfqan Sadıqov ittihamları rədd edir. O, iki dəfə Azərbaycanda mühakimə olunub. İnsan hüquqları təşkilatları hər dəfə onu siyasi məhbus kimi tanıyıblar.
-
- İqtisadiyyat
- 24 Sentyabr 2024 15:22
-
- Cəmiyyət
- 24 Sentyabr 2024 15:52
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz