Ələsgər Məmmədlini Daxili İşlər Nazirliyinin hospitalında müayinə etdikdən sonra istintaq təcridxanasına qaytarıblar
Ələsgər Məmmədlini Daxili İşlər Nazirliyinin hospitalında müayinə etdikdən sonra istintaq təcridxanasına qaytarıblar
“Toplum” TV-nin təsisçisi Ələsgər Məmmədli aprelin 26-da Daxili İşlər Nazirliyinin hospitalında müayinə olunub, sonra yenidən təcridxanaya qaytarılıb. Müayinənin nəticələri barədə ona və ailəsinə məlumat verilməyib. Bu barədə Turan-a onun qardaşı Nəsimi Məmmədli bildirib.
Aprelin 27-də o, təcridxanada qardaşı ilə görüşüb. Xəstəxanada Ələsgərdən qan analizi götürülüb, daxili orqanların və qalxanvari vəzi ultrasəs müayinəsi aparılıb və elektrokardioqram çəkiblər.
« Lakin qalxanvari vəzində şişlə bağlı biopsiya əməliyyatı yenə də aparılmayıb. Bu, onun özünü və ailəmizi daha çox narahat edir. . Bizim güvəndiyimiz həkimlərin iştirakı da müayinə prosesində təmin olunmayıb”, - Məmmədli qeyd edib. “Ələsgərin solğun və yorğun bənizindən xəstə halını aydın görmək olurdu. Heç bir təqsiri olmadan uydurma ittihamla həbsdə saxlanan qardaşımın ömrünə qənim kəsilənlər heç vaxt bu məsuliyyətdən qurtula bilməyəcəklər", - Nəsimi Məmmədli deyib..
Xatırladaq ki, aprelin 24-də müdafiə tərəfi Ələsgər Məmmədlinin ev dustaqlığına buraxılması barədə vəsatəti geri götürüb. Bu, istintaq orqanı “Toplum” TV-nin təsisçisinin müalicəsilə bağlı araşdırmanın aparılacağını və məsələnin həll olunacağını vəd etdikdən sonra baş verib.
Nəsimi Məmmədli bildirib ki, vəkillə məsləhətləşmələrdən sonra Ələsgər Məmmədlinin ev dustaqlığına buraxılması barədə vəsatətin bərpasına dair qərar qəbul edilə bilər.
*Martın 6-8-də “Toplum” TV və onun tərəfdaş təşkilatı Demokratik Təşəbbüslər İnstitutunun 9 əməkdaşı saxlanılıb. Onlara qarşı xarici valyuta qaçaqmalçılığı ittihamı irəli sürülüb. Yeddi nəfər 4 ay müddətinə ilkin həbs cəzasına məhkum edilib, iki nəfər polis nəzarətinə verilib.
Ələsgər Məmmədli də valyuta qaçaqmalçılığında ittiham olunub. Onun mənzilində axtarış zamanı guya 7300 avro tapılıb.
-
- İqtisadiyyat
- 29 Aprel 2024 12:16
-
- Dünyada
- 29 Aprel 2024 12:28
Siyasət
-
Bakının Binəqədi Rayon Məhkəməsi Qarabağ separatçılarının ilkin həbs müddətinin uzadılması ilə bağlı istintaqın vəsatətini təmin edib. Arkadi Qukasyan, Bako Saakyan, Araik Arutyunyan, David Babayan, David İşxanyan, Lev Mnatsakanyan, David Manukyan və digərlərinin həbs müddəti 5 ay uzadılıb, Baş Prokurorluğun mətbuat xidmətinin məlumatında deyilir.
-
Mayın 15-də gündüz Slovakiyanın baş naziri Robert Fitsoya silahlı hücum olub.
-
ABŞ-da Texasdan olan konqresmen Henri Kuelyarın Azərbaycanın nəzarətində olan energetika şirkəti və Meksikadakı bankdan 600000 dollar rüşvət alması ilə bağlı araşdırma davam edir.
-
Mayın 15-də Bakı Apellyasiya Məhkəməsi Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin ev dustaqlığına buraxılmasından imtina barədə şikayəti təmin etməyib. Bu barədə Turan-a onun vəkili Elmar Süleymanov bildirib.
Rəy yaz