![Ələsgər Məmmədlinin cərrahi əməliyyata ehtiyacı var](https://turan.az/resized/news/2024/2M3zNxIx0vumatCnqESKl4OXPHOR1rclJJoaW1Gm-750-500-resize.webp)
Ələsgər Məmmədlinin cərrahi əməliyyata ehtiyacı var
Ələsgər Məmmədlinin cərrahi əməliyyata ehtiyacı var
İstintaq Təcridxanasında saxlanılan Toplum TV internet televiziyasının təsisçisi Ələsgər Məmmədliyə cərrahi əməliyyat lazımdır. Bu barədə Turan-a onun qardaşı Nəsimi Məmmədli avqustun 26-da onunla telefon danışığından sonra bildirib.
"Ələsgər bu gün zəng etmişdi. Qalxanabənzər vəzində şişlə əlaqədar boğulma halları qalıb və bu məsələdə heç bir pozitiv dinamika yoxdur. Çünki qalxanabənzər vəzində olan şiş cərrahi əməliyyatla götürülməlidir. Amma həbsdə saxlandığı indiki şəraitdə bu, təəssüf ki, məqsədəuyğun deyil", deyə N.Məmmədli bildirib.
O xatırladıb ki, iyunun 22-də Ə.Məmmədli artıq müşayiət altında mülki klinikaya aparılıb və təhlükəsizlik qüvvələrinin həkimlərin hərəkətlərinə müdaxiləsi ilə əlaqədar müayinə tam aparılmayıb.
Bu zaman Ə.Məmmədlinin ailəsinin dəvət etdiyi həkimlər müayinəyə buraxılmayıb, baxmayaraq ki, məhkəmə buna icazə vermişdi.
Buna görə Ə.Məmmədli və onun yaxınları hesab edirlər ki, Toplum TV-nin təsisçisinin əməliyyat olunması üçün o, həbsdən azad edilməli və öz seçdiyi klinikada əməliyyat olunmasına icazə verilməlidir.
Lakin Ə.Məmmədli ilə bağlı heç bir istintaq hərəkəti aparılmasa da, onu həbsdən azad etməkdən imtina edirlər.
Qanxanabənzər vəzində şişin olması Ə.Məmmədlinin ümumi səhhətinə də mənfi təsir göstərir: "Onun qan təzyiqi yenə gah yuxarı qalxır, gah aşağı enir, baş ağrılarından, yuxusuzluqdan əziyyət çəkir", deyə N.Məmmədli qeyd edib.
İstintaq orqanının və Penitensiar Xidmətin nümayəndələrindən şərh almaq mümkün olmayıb.
* 6-8 mart tarixlərində Toplum TV-nin və onun tərəfdaşı olan təşkilatın - Demokratik Təşəbbüslər İnstitutunun 9 əməkdaşı saxlanılıb. Onlar xarici valyuta qaçaqmalçılığında ittiham olunublar. Yeddi nəfər həbs olunub, iki nəfər isə polis nəzarətinə verilib.
Hüquq müdafiəçiləri həbs olunanları siyasi məhbus kimi tanıyıblar, beynəlxalq təşkilatlar onları azad etməyə çağırıb.
-
- Cəmiyyət
- 26 Avqust 2024 14:49
Siyasət
-
Tarix elmləri doktoru, London Universitetinin Tarix Araşdırmaları İnstitutunun baş elmi işçisi Cəmil Həsənlinin "Qızıl alma uğrunda Çin‑Sovet savaşı: Şərqi Türküstan. 1930‑1950" adlı kitabı işıq üzü görüb. Kitabı Azərbaycanda "Altun Kitab" MMC çap edib.
-
Azərbaycan XİN başçısı Ceyhun Bayramov avqustun 27-də Türkiyəyə səfər edəcək.
-
AŞPA-da Almaniya nümayəndə heyətinin sədri Frank Şvabe rəsmi Bakının bu qurumun Azərbaycan nümayəndə heyətinin səlahiyyətlərinin məhdudlaşdırılmasının lehinə səs verən üzvlərinin ölkəyə girişinin qadağan edilməsi haqqında qərarını tənqid edib.
-
Avqustun sonlarında Beynəlxalq Qızıl Xaç Komitəsinin (BQXK) əməkdaşları Azərbaycan tərəfinin haqqında məlumat verdiyi erməni əsilli şəxslərə yenidən baş çəkiblər.
Rəy yaz