Ələsgər Məmmədlinin vəkilləri Avropa İnsan Hüquqları Məhkəməsinə müraciət ediblər
Ələsgər Məmmədlinin vəkilləri Avropa İnsan Hüquqları Məhkəməsinə müraciət ediblər
“Toplum” TV-nin hüquqi təsisçisi Ələsgər Məmmədlinin vəkilləri onun ev dustaqlığına buraxılması üçün yeni vəsatət qaldırıblar. Bu barədə Turan-a onun qardaşı Nəsimi Məmmədli bildirib.
Onun sözlərinə görə, bu gün Ələsgər Məmmədli istintaq təcridxanasından zəng edib.
“Saxlanma şəraitindən narazılığı olmasa da, səhhətindəki problemin onu getdikcə daha çox narahat etdiyini bildirdi. Təcridxanada ümumi qan analizləri götürülüb və ultrasəs müayinəsi olunarkən orqanizmdə bir sıra mənfi dəyişikliklər təsdiq olunub. Mədəaltı vəzin, qaraciyərin və qalxanvarı vəzin ölçülərində və funksiyasında dəyişiklik var”, - Nəsimi Məmmədli deyib.
Xüsusilə də qalxanvarı vəzində aşkar olunan 23 millimetrlik düyündən iynə biopsiyasının götürlməməsinə görə narahatlığı davam edir.
Nəsimi Məmmədli deyib ki, vəkillər effektli müalicəyə özəl klinikalarda başlanılması üçün ev dustaqlığı ilə bağlı Avropa İnsan Hüquqları Məhkəməsinə müraciət ediblər.
Bundan əlavə, mayın 22-də vəkillər Ələsgər Məmmədlinin ev dustaqlığına buarxılması üçün vəsatət qaldırıblar ki, o, özəl klinikada effektiv müalicə ala bilsin.
Vəsatətə ya bu həftənin sonunda, ya da gələn həftənin əvvəlində baxılacaq.
Nəsimi Məmmədli qeyd edib ki, mayın 24-də Ələsgər Məmmədlinin doğum günüdür, 56 yaşı tamam olur.
Penitensiar Xidmətdən şərh almaq mümkün olmayıb.
Xatırladaq ki, martın 8-də “Toplum” TV-nin təsisçisi qabaqcadan əlbir olan bir qrup şəxs tərəfindən pul qaçaqmalçılığı ittihamı ilə həbs edilib.
Bundan əvvəl, martın 6-da “Toplum” TV və Demokratik Təşəbbüslər İnstitutunun 7 əməkdaşı saxlanılıb. Onlardan beşi həbs edilib, ikisi polis nəzarətinə verilib.
Beynəlxalq təşkilatlar “Toplum” TV və digər KİV, xüsusən də “Abzas Media”, “Kanal-13” işi üzrə həbs olunanların cinayət təqibinə son qoymağa çağırıblar.
Siyasət
-
İqtisad elmləri doktoru Qubad İbadoğlunun əleyhinə ifadə verdiyi bildirilən Fazil Qasımov iyunun 14-dən 1 saylı Bakı İstintaq Təcridxanasında aclıq aksiyasına başlayıb. O ittihamı qəbul etmir və istintaqın qeyri obyektiv aparılmasına etiraz edir.
-
Şənbə günü Xətai Rayon Məhkəməsi Toplum Tv internet nəşrinin həbsdə olan təsisçisi Ələsgər Məmkdinin mülki klinikada tibbi müayinədən keçirilməsi ilə bağlı vəsatəti təmin edib. Bu barədə Turan-a onun vəkili Aqil Lahıc məlumat verib.
-
15 iyun Azərbaycanda rəsmi olaraq, Milli Qurtuluş Günü qeyd olunur.
-
Prezident İlham Əliyev Qurban Bayramı münasibətilə xalqı təbrik edib. Dövlət başçısının müraciətində qeyd olunur ki, "Dini bayramlar, o cümlədən Qurban mərasimləri cəmiyyətimizdə milli-mənəvi birliyin, xeyirxahlıq və mərhəmət duyğularının təntənəsinə çevrilir".
Rəy yaz