• flag_EN
    • flag_RU

Son yenilənmə

(14 saat əvvəl)
  • Ana səhifə
  • Siyasət
  • Əli Həsənov Rüstəm İbrahimbəyovun iddiası üzrə məhkəmə prosesindən yayınır
Əli Həsənov Rüstəm İbrahimbəyovun iddiası üzrə məhkəmə prosesindən yayınır
A- A A+
EN RU
Turan İnformasiya Agentliyi
Turan İnformasiya Agentliyi

Əli Həsənov Rüstəm İbrahimbəyovun iddiası üzrə məhkəmə prosesindən yayınır

Demokratik Qüvvələrin Milli Şurasının (DQMŞ) sədri Rüstəm İbrahimbəyovun Prezident Administrasiyasının ictimai-siyasi şöbəsinin rəhbəri Əli Həsənova qarşı iddiası üzrə iyunun 21-də Səbayel Rayon Məhkəməsində planlaşdırılan iclas iyunun 28-nə keçirilib. Buna səbəb cavabdehin nümayəndəsinin gəlməməsidir. 

 
  İş üzrə məhkəmə çəkişməsi iyunun 3-də başlayıb. Lakin üçüncü dəfədir ki, nə cavabdeh, nə də onun nümayəndəsi məhkəməyə gəlmir.
 
  İddianın qaldırılmasına Ə.Həsənovun APA agentliyinə müsahibəsi səbəb olub. O, müsahibədə R.İbrahimbəyovu qeyri-peşəkar adlandırıb, onu Şəhidlər Xiyabanının yaxınlığında restoran və əyləncə obyekti tikmək cəhdində ittiham edib. 
 
  R.İbrahimbəyovun vəkili Fuad Ağayev Turan-a bildirib ki, bu gün hakim Ə.Həsənovun fikirlərinin linqvistik ekspertizasının keçirilməsini təklif  etməyə cəhd göstərib. “Mən buna etiraz etdim. Ə.Həsənovun dedikləri birmənalı və aydındır, odur ki, ekspertizaya gərək yoxdur. Hakim məşvərətə gedib gəldikdən sonra bildirdi ki, ekspertiza olmayacaq. O, növbəti iclası iyunun 28-nə təyin etdi. İclasda tərəflərin çıxışları olacaq”, - F.Ağayev  bildirib.
 
  Vəkil üçüncü dəfə cavabdehin nümayəndəsinin məhkəməyə gəlməməsini “Əli Həsənovun acizliyi” kimi qiymətləndirib. “Onun məhkəmədə deməyə sözü yoxdur. Məhkəmədən yayınmaq onu göstərir ki, bu adam öz sözünün arxasında dura bilmir”, - vəkil vurğulayıb.
 
  F.Ağayev xatırladıb ki, məhkəmə uzun müddət uydurma səbəblərdən iddianı qəbul etmək istəməyib. İmtinadan apellyasiya verilb və iş Ali Məhkəməyə çıxıb. Bundan sonra iddia mahiyyəti üzrə baxılmaq üçün qəbul olunub.
 
  Qeyd edək ki, Ə.Həsənov özü tez-tez mətbuatı vətəndaşların şərəf və ləyaqətini tapdalamaqda ittiham edir və diffamasiyaya görə cinayət cəzasının ləğvinin əleyhinədir.-06C--

Rəy yaz

Siyasət

Bizi sosial şəbəkələrdə izləyin

Xəbər lenti