DQMŞ öz fəaliyyət strategiyasını müzakirə edir
Bu gün Müsavat Partiyasının mənzil-qərargahında Demokratik Qüvvələrin Milli Şurasının (DQMŞ) ilk sessiyası keçirilir. Müsavat Partiyasının liderinin sədrliyi ilə keçən iclasda DQMŞ-nin 128 üzvündən 77-i iştirak edir ki, bu da kvorumun olmasından xəbər verir.
Sessiyanın gündəliyinə üç məsələ daxildir: ölkədəki ictimai-siyasi vəziyyət; DQMŞ-də təşkilati strukturlaşma; cari məsələlər.
İlk məsələ üzrə məruzə ilə AXCP sədri Əli Kərimli çıxış edib. O, Yeni Azərbaycan Partiyasının İlham Əliyevin üçüncü dəfə prezidentliyə namizədliyini irəli sürməsinə diqqəti yönəldib. Ə.Kərimli bunu “qanunsuz və qeyri-demokratik addım” adlandırıb. Çünki onun fikrincə, 2009-cu ildə qəbul olunmuş bir şəxsin dövlət başçısı postunda qalmasına müvəqqəti məhdudiyyətin aradan qaldırılması barədə konstitusion düzəliş Əsas qanuna dəyişiklik edildikdən sonra seçiləcək prezidentlərə şamil olunmalıdır. İ.Əliyevin prezident postuna seçilmək üzrə ikiqat limiti bitib.
Ə.Kərimli İ.Əliyevin üçüncü dəfə prezidentliyə namizədliyinin irəli sürülməsini “Azərbaycan xalqına hörmətsizlik” hesab edir. “Belə çıxır ki, bir ailənin üzvlərindən başqa heç kim Azərbaycanın prezidenti ola bilməz. Azərbaycan xalqının prezidentliyə digər çoxlu layiqli namizədləri var”, - o bildirib.
Sonra o, diqqəti DQMŞ ilə beynəlxalq strukturlar arasında münasibətlərin qurulmasına yönəldib. O qeyd edib ki, İ.Əliyevin Brüsselə səfəri ərəfəsində Avropa Parlamenti Azərbaycanda insan hüquqlarının pozulması ilə bağlı kəskin qətnamə qəbul edib. Eyni zamanda AŞPA, ATƏT PA kim digər beynəlxalq qurumlar da Azərbaycan xalqının inamını itiriblər.
Bu baxımdan Ə.Kərimli “hər zaman azərbaycanlı demokratların yanında olan” beynəlxalq təşkilatlarla, o cümlədən hüquq-müdafiə strukturları ilə aktiv əməkdaşlıq təklif edib. Eyni zamanda dünya ictimaiyyəti insan haqlarının pozulması ilə bağlı konformist mövqe tutan beynəlxalq qurumlar və siyasətçilər barədə məlumatlandırılmalıdır.
İ.Kərimli xarici ölkələrə səfərlər və Milli Şuranın məqsədləri barədə bilginin yayılması üçün DQMŞ işçi qrupunun yaradılmasını təklif edib. Sonra o, DQMŞ-nin vahid seçkiqabağı platformasının hazırlanmasının və prezidentliyə vahid namizədin irəli sürülməsinin vacibliyini vurğulayıb.
İ.Kərimli həmçinin əhali arasında DQMŞ üzvlərinin işinin vacibliyini qeyd edib. Onun fikrincə, əhali arasında vətəndaş fəallığının artırılması üçün kütləvi etiraz aksiyalarını bərpa etmək lazımdır.
AXCP sədri bütün siyasi məhbusların azadlığa buraxılması uğrunda mübarizə və bu sahədə pərakəndəliyə son qoymaq üçün səylərin birləşdirilməsinə çağırıb.
Ə.Kərimlinin çıxışı digər iştirakçılar tərəfindən də dəstəklənib. Vahid namizədin irəli sürülməsi prosesinin sürətləndirilməsinin vacibliyi qeyd olunub.
Açıq Cəmiyyət Partiyasının sədri Sülhəddin Əkbər DQMŞ-nin hər hansı xarici qüvvəyə xidmət etməməsi barədə əhalinin məlumatlandırılmasını vacib sayıb. O həmçinin DQMŞ Mitinq və Seçki komitələrinin yaradılmasını təklif edib.
Sessiya davam edir.
Xatırladaq ki, ötən gün DQMŞ rəhbəri Rüstəm İbrahimbəyov xaricdən Şuranın iştirakçılarına müraciət göndərərək gələcək fəaliyyət planını açıqlayıb. Sessiya iştirakçıları R.İbrahimbəyovun təkliflərini dəstəkləyiblər.-03C06--
(http://contact.az/docs/2013/Want%20to%20Say/062000040243ru.htm#.UcP_efnwmek)
Rəy yaz