Əli Həsənov Soçi görüşünün təfərrüatları haqda

Prezident Administrasiyasının şöbə müdiri Əli Həsənov İlham Əliyev və Serj Sarkisyan görüşünün bəzi təfərrüatlarını açqılayıb.

Ə.Həsənov AzərTAC-a açıqlamasında qeyd edib ki, Ermənistan dövlət başçısı danışıqların təfərrüatlarını təhrif etdiyi üçün Azərbaycan tərəf bu açıqlamnı verməyə məcbur olub.

Ə.Həsənov görüşdə İ.Əliyevin ermənilərin ələ keçirdikləri ili kəlbəcərlinin azad olunması məsələsini qaldırdığını təsdiqləyib. İ.Əliyev erməni tərəfi bu iki şəxsi əsassız olaraq “qorxulu təxribatçılar” kimi təqdim etməkdə günahlandırıb. Hər iki şəxsin yaxınları isə bu iki şəxsin bir neçə illərdir ki, doğmalarının qəbirlərini ziyarət emək üçün Kəlbəcrə getdiklərini bildiriblər.

Bundan əlavə, İ.Əliyev müharibə qanunlarına uyğun olaraq qoşunların ətmas xəttində və eləcə də sərhəddə həlak olan hərbçi və mülki şəxslərin meyitlərinin verilməsini tələb edib.  

S.Sarkisyana müraciət edən İ.Əliyev erməni tərəfi girovlarla və həlak olanların meyitlərilə vəhşi rəftarda ittiham edib. “Hətta faşistlər belə rəftar etməyiblər”-deyə 

İ.Əliyev qeyd edib.

Buna cavab olaraq S.Sarkisyan İ.Əliyevi ermənilərlə qeyri-bərabər döyüşdə həlak olan və nəşi Azərbaycan tərəfə verilən Mübariz İbrahimovu qəhrəmanlaşdırmaqda ittiham etmək cəhdinə əl atıb.Buna cavab olaraq İ.Əliyev M.İbrahimovun düşmən postunu təkbaşına dağıtdığını və 10 düşmən əsgərini məhv etdiyini və qəhrəmanlıqla həlak olduğunu Sarkisyana xatırladıb.

Son olaraq Ə.Həsənov daxili və xarici mənbələrə isnadən son döyüşdə itkiləri 50 nəfərə qədər olan erməni tərəfi bu tikiləri gizlətmək səyində ittiham edib.-06B-