Əli Kərimlinin işi üzrə iclasın keçirildiyi məhkəmə binasının qarşısında 6 müxalifətçi saxlanılıb
Əli Kərimlinin işi üzrə iclasın keçirildiyi məhkəmə binasının qarşısında 6 müxalifətçi saxlanılıb
Bazar ertəsi polis Azərbaycan Xalq Cəbhəsi Partiyasının (AXCP) lideri Əli Kərimlinin işi üzrə prosesin keçirildiyi Nəsimi Rayon Məhkəməsinin binasına gedən yolları bağlayıb. Polis güc tətbiq edərək altı AXCP fəalını: Milli Şuranın üzvü Vidadi Mirkamal, həmçinin Məmməd İbrahim, Gülnarə Rəhimova, Ruslan Əmirov, Elçin Hacıvəlli və Rövşən Səfərovu saxlayıb.
Partiyanın sədr müavini Seymur Həzinin Turan-a verdiyi məlumata görə, polis məhkəmə binası ətrafında geniş bir ərazini mühasirəyə alıb və yaxınlaşmağa çalışanları sıxışdırır.
DİN fəalların saxlanılmasının səbəbini şərh etmir.
Siyasət
-
Ombudsman nümayəndələri 1 saylı Bakı İstintaq Təcridxanasının monitorinqi çərçivəsində Abzas Media-nın həbsdə olan jurnalistləri Sevinc Vaqifqızı (Abbasova), Elnarə Qasımova və Nərgiz Absalamova ilə görüşüblər.
-
Heyvan hüquqları müdafiəçisi Kamran Məmmədlinin ölkədən çıxışına qadağa qoyulub. Bu barədə Turan-a o, özü bildirib.
-
Dekabrın 3-də Bakının Nərimanov Rayon Məhkəməsində iqtisadçı alim Qubad İbadoğlunun ölkədən çıxış qadağası haqqında şikayətinə baxılacaq.
-
Noyabrın 29-da saxlanılmış Azərbaycan Xalq Cəbhəsi Partiyasının (AXCP) fəalı Emin Abbasov ertəsi gün 50 manat cərimə olunduqdan sonra sərbəst buraxılıb. Bu barədə Turan-a AXCP sədr müavini Ayaz Məhərrəmli bildirib.
Rəy yaz